1 KORINTUS 16:12 - WUKE SUSI WATTI'U AL᷊AL᷊USASSA

¹² Su ola'u tuṛṛangngi ite Apolos, paapirate i ya'u mabal᷊o si tou tadea'u i tou su sambau ringannu tuṛṛangnga apan waine inai mattembo si yamiu. Arawe i tou taambe mangngimanna atonna manungku i tou sarun inai orassa indi. Arawe amungkangngu pia tempone, i tou sarun rumanta.

1 KORINTUS 16:12 Referans Kwoze

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.

TITUS 3:4

Arawe Ruata, Punnu Sal᷊amatti ite napaal᷊iatta'u darangngu-Ne wuṛṛu apapian naung-Nge si ite.

1 KORINTUS 3:22

Paulus, Apolos, Petrus, runia indi, mabbiakka wuṛṛu mate, tempo indi ara'e tempo apan sarun rumanta, sarangkanambone udde tatahuanannu.

WATTI'U MANGA RASUL 18:24

Tantal᷊anna udde, nirumantate su Efesus sangkatou Yahudi wuassu Aleksandria, aranne i Apolos. I tou pande massinaukka wuṛṛu masingkattu lal᷊oṛṛon Wuke Susi,

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

MARKUS 6:21

Panginsueanne i Herodias naasomba tempone su allo inariadianni Herodes. Tempo udde i Herodes na'ola'a andeangngu manga tembonannu araratuanne, manga perwira wuṛṛu manga piaṛṛa'u tumana'u Galilea.

MANNANASE 3:1

Al᷊awo'u saranapa su runia indi nariaddi sutempo apan nitantunnu Ruata.

WATTI'U MANGA RASUL 19:1

Tantal᷊anna Apolos su Korintus, Paulus tantal᷊anna u'amatta su ul᷊un wanua udde, see na'omate su Efesus. Poiaroddi i tou nassomba manga pira taumata apan suete nangngimanna Mawu Yesus.

TITUS 3:13

Pattinsahadde ringannu atonna-tonna massumbala si Zenas, mapapanden tita udde, wuṛṛu Apolos, tadea'u i mangitou wotongnge inai umamatta wuṛṛu tawe asueannu manga apa.

WATTI'U MANGA RASUL 15:34

Arawe i Silas naṛṛawessa see sidutu matana'a su Antiokhia.]