1 KORINTUS 15:58 - WUKE SUSI WATTI'U AL᷊AL᷊USASSA

⁵⁸ Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

1 KORINTUS 15:58 Referans Kwoze

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

2 TAWARIKH 15:7

Arawe i yamiu ṛinone matammudda wuṛṛu waṛṛani. Inasaharannu sarun pia gessine.”

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

1 KORINTUS 3:8

itarua uassul᷊ungnga. Sangkatou-sangkatou sarun manengkamma lal᷊antake tumuṛṛuttu inasaharanne.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

DARALO 55:22

Manga wisarane al᷊ussa massal᷊o'a, arawe sulal᷊ummu naungnge pia ararantinna. Wisarane masaṛṛionto'a, arawe mangngusu'a naal᷊ihidda hal᷊ele maṛṛoro.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

1 KORINTUS 16:10

Amungkangngu Timotius rumanta, sal᷊ohoi i tou ringannu mapia tadea'u i tou maapendama mal᷊uassa matana'a ringanni yamiu ana waugu i tou ere lai ya'u mammanara manara Mawu.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

DARALO 112:6

Taumata mapia tawe mabbelenga aroddi; i tou sarun nanaunganna saran mal᷊annu-l᷊annu.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

KOLOSE 2:5

Ana waugu salaiwe i ya'u uatana'a marau wuassi yamiu, ere lai ya'u uatana'a su wallatti yamiu. Wuṛṛu i ya'u lulluassa maasilo si yamiu uasampinunutanna wuṛṛu matohassa sulal᷊ummu pangangimanna si Kristus.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

1 TESALONIKA 3:3

Ringannu aroddi tawe saran sangkatou wuassi yamiu apan sumoṛṛota ana waugu asasusan kite indi. I yamiu sassane masingkata manungku manga asasusa udde nasutta sulal᷊ummu pandumannu Ruata si ite.

FILIPI 1:9

Ete indi aal᷊iomangku si yamiu: doronganna i yamiu lembon mandangngu Ruata wuṛṛu sansul᷊ungngu taumata wuṛṛu sidutu aatambanna sulal᷊ummu asingkatta apan ṛinone wuṛṛu ṛingiranna apan pande.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

FILIPI 4:17

Udde wal᷊ine i ya'u tumba'u maapulu manengkamma aonggola. Apa apan ipaapulu'u eteudde, tadea'u i ya'u wotongnge maasilo manga pabbawuan manaranu apan maatamba auntungannu.

GALATIA 4:11

I ya'u sussinggawangnga, aṛṛengenne asasaha'u indi si yamiu tawe gunane.

RUT 1:18

I Naomi na'ellega manungku i Rut atonna-tonna tumantalongnga, nariaddi, i tou tate nabbisara apia.

1 TESALONIKA 3:5

Ana waugu udde i ya'u nandolokki Timotius, ana waugu i ya'u maapulu atonna maasingkata ereapa araṛṛimaddi yamiu mangngimanna si Kristus. I ya'u sussinggawangnga ana waugu Setanna wotongnge mamono'a si yamiu ma'oman sara anambon asasahaddi yami maola'a tate gunane.

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

DARALO 73:13

Tawe gunane i ya'u mallu'adda naungku waresi; tawe gunane i ya'u mangindau wuassu rosa.

DARALO 78:37

I mangitou tawe tumuṛutta si Tou, wuṛṛu tawe uaagassa su paaire-Ne.

AMSAL 21:21

Isai mattinsahadda tadea'u atatul᷊idda wuṛṛu darangngu iapaamatta, sarun maasomba lal᷊umanna'a, aaddatta wuṛṛu uukka mal᷊o'engnga.

NEHEMIA 6:4

Na'oman sara paappatta i mangitou mangngirimmu wawal᷊o apan uasul᷊ungnga si ya'u, wuṛṛu masokka lai i ya'u nangonggollu sasimbakke apan uasul᷊ungnga.

MARKUS 3:3

Mawu Yesus nabbisara su taumata apan limane lome samba'a udde, “Wette darisikke isindi, su saruanne.”

LUKAS 19:19

Su mangangimbe udde ratu nabbisara, ‘I'o sarun mapile mangangatokku soa lima.’