1 KORINTUS 15:56 - WUKE SUSI WATTI'U AL᷊AL᷊USASSA

⁵⁶ Taṛṛinon papate eteudde rosa, wuṛṛu rosa mappaamattu apulune sulal᷊ummu titan agama.

1 KORINTUS 15:56 Referans Kwoze

ROMA 4:15

Titan agama Yahudi mandantan ṛuumannu Ruata. Arawe amungkangngu tawe tita, ne tawe lal᷊awangnga lai.

ROMA 6:23

Ana waugu papate udde sombangngu paddarosa; arawe wiakka tutune wuṛṛu saran mal᷊annu-l᷊annu su sambau ringanni Kristus Yesus Mawun kite eteudde aonggolu Ruata si ite ringannu tawe bawal᷊inne.

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

ROMA 5:20

Apan nangonggolu titan agama Yahudi eteudde Ruata sassane. Arawe napawe taumata lembon tuttuṛṛutta tita udde, i mangitou lembon lullawangnga wuṛṛu ma'ola'a rosa su saruannu Ruata. Arawe salaiwe taumata lembon ma'ola'a rosa, Ruata lembo marangngu lai si mangitou.

YOHANES 8:21

Mawu Yesus nabbisara apia si mangitou, “I Ya'u inaite, wuṛṛu i yamiu sarun maddea'a si Ya'u, arawe i yamiu sarun mate sulal᷊ummu rosanu. Su tampa Ta'u rantanna, i yamiu tawe maaranta.”

ROMA 5:17

Ana waugu pasasal᷊an sangkatou, papate nangeṛṛon taumata nambo wuassu taumata sangkatou udde. Lembon ahewal᷊anne lai wawal᷊issu apa apan niola'u sangkatou taumata waine lai, eteudde Yesus Kristus. Sulal᷊ummu Mawu Yesus Kristus, Ruata buatte nangal᷊amatta anambon taumata, wuṛṛu ringannu tawe bawal᷊inne madea'a i mangitou masasangkapia apia ringannu Ruata; i mangitou sarun mamarenta su runia indi sulal᷊ummi Kristus.

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

ROMA 5:15

Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.