1 KORINTUS 15:54 - WUKE SUSI WATTI'U AL᷊AL᷊USASSA

⁵⁴ Amungkangngu wadangnga apan wotongnge mate buatte nihantiannu wadangnga apan tawe mate, wuṛṛu wadangnga wuassu runia, buatte nihantiannu wadangnga wuassu surga, su tempo udde matipusse apa apan uawoṛṛetta sulal᷊ummu Wuke Susi, “Papate buatte nial᷊iuanna; auntunganna nia'omante!”

1 KORINTUS 15:54 Referans Kwoze

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

LUKAS 20:36

Ola'i mangitou ere mala'ekatta wuṛṛu tate mate. Ete i mangitou udde al᷊aṛṛana'u Ruata, ana waugu i mangitou suete niapawangunna apia wuassu papate.

2 KORINTUS 4:11

Su al᷊o'engngu allo i yami mabbiakka, i yami sidutu ia'umpangngu papate ana waugu Kristus, tadea'u ringannu aroddi wiakki Kristus lai wotongnge lumiatta'a su wadangngi yami apan marosa indi.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

2 TESALONIKA 1:10

sarangkanambone udde sarun mariaddi su allo i Tou rumanta apia ana wantuhannu al᷊aṛṛanang-Nge wuṛṛu addatannu anambon taumata apan mangngimanna. I yamiu lai isudde su sambau ringannu walahannu Ruata udde, ana waugu i yamiu suete nangimanna watti'a apan niapaasingkati ami si yamiu.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

ROMA 6:12

Ariete lai mapaawalan rosa mamarenta pabbiaṛṛanna su runia tadea'u i'o tate tumuṛṛutta apulu apan lal᷊eo.

ROMA 1:23

Wal᷊inewe Ruata apan uata'a sassubanni mangitou, ewe'e manga paal᷊uanna apan naal᷊ihida riadianna apan wotongnge mate; eteudde taumata, manu'u winalanganna, winatangnga leddane appata wuṛṛu winatangnga apan tuttondon roone.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.