1 KORINTUS 15:52 - WUKE SUSI WATTI'U AL᷊AL᷊USASSA

⁵² Olangnge udde sarun mariaddi mamaṛṛoro sulal᷊ummu sangkaṛṛondapu mata, su tempo trompeta iapatuntingikka panginsueanne. Ana waugu su tempo niaringikka tingikku trompeta udde, manga taumata nate sarun iapaawiakka apia ringannu wadangnga apan tate mate, wuṛṛu i ite sarangkanambone sarun wal᷊uanna.

1 KORINTUS 15:52 Referans Kwoze

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

YOHANES 5:25

Pangimante: Sarun rumanta tempone – ewe'e nia'omante lai tempone – taumata nate sarun maddaringikka tingikku Ana'u Ruata. Wuṛṛu taumata apan maddaringikka sarun masal᷊amatta.

YOHANES 5:28

Arie i yamiu tumiangnga maaringikka manga olangnge indi, ana waugu tempone sarun a'omanna manungku taumata nambo apan natete maaringikka tingikke,

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

1 KORINTUS 15:42

Aroddi lai olangnge ringannu taumata nate apan sarun iapaawiakka apia. Wadangnga apan nilabingnga eteudde wadangnga apan wotongnge maṛṛenessa, arawe wadangnga apan iapaawiakka apia, eteudde wadangnga apan tawe mawukku'a.

ZAKARIA 9:14

Mawu sarun maipasilon batangan-Ne su uman-Ne, naal᷊ihidda sawallo manga anaan-Ne nipiti'a. Mawu Apan Atanggaṛṛanne sarun maniuppa trompetta tatiala mamangalote see inaite umamatta sulal᷊ummu tandi'a wuassu timukka.

SONDAPPA 8:13

Ana see i ya'u na'ellega, ne i ya'u naaringikka sambau manu'a rajawali tantal᷊anna tuttalla'a matanggakka su winalanganna, u'ui, “Silaka! Silaka! Nasilakate anambon taumata su runia napawe niaringiṛṛante sire tallu mala'ekatta waine apan mattiuppa trompenne murine!”

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

SONDAPPA 8:2

See i ya'u naasilo sire pitu mala'ekatta uarisikka su saruannu Ruata, wuṛṛu i mangitou nionggol᷊annu pitum bua trompeta.

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.

YESAYA 18:3

Ei, i yamiu sarangkanambone apan uatana'a su runia! Pa'ellege amungkangngu manga waneṛṛa iruitte su puiddu manga wowone! Paddaringikke napawe trompetta tiupanna!

SASABANGNGA 19:16

Su allo atallune, su tempo marua allo, pia dallu'a wuṛṛu sawallo. Winabbawa apan maappala nilumapputa wuassu puiddu wowone wuṛṛu niaringikke tingikku trompetta apan tumaniten ma'ikatta. Anambon taumata su paddasananna mangngindon atata'utta.

YEHEZKIEL 33:3

Amungkangngu mandariaga udde maasilo seetta rumanta, i tou mapatuntingikku tatialan asasilaka tadea'u anambon taumata mandiahite.

DARALO 73:19

Tumba'u sulal᷊ummu sangkaṛondappa i mangitou nate, panginsuenni mangitou tumaniten maata'utta.

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

REENGANNA 10:4

Arawe amungkangngu tumba'u sambau apan nitiuppa, atappasanna tumba'u manga piaṛṛangnge apan ma'ammula mamal᷊iwutta si'o.

REENGANNA 16:45

“Soṛṛotte wuassu manga taumata udde. I Ya'u sarun mamate si mangitou su tampa indi lai!” Itarua niumal᷊intudda nassubba,

REENGANNA 16:21

“Soṛṛotte wuassu manga taumata udde; i Ya'u mamate si mangitou orassa indi lai.”

1 KORINTUS 15:23

Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.

1 TESALONIKA 4:15

Tumuṛṛuttu olangnge udde, indete al᷊aṛṛa'u Mawu apan iapaassingkati ami si yamiu; Su tempo Mawu Yesus rumanta, i ite apan ta'e wiakka, tawe malliu ṛoro manga taumata apan natete dorone.