1 KORINTUS 15:51 - WUKE SUSI WATTI'U AL᷊AL᷊USASSA

⁵¹ Paatutuṛṛe addapingnga indi: Tawe sarangkanambone i ite sarun mate, arawe i ite sarangkanambone sarun wal᷊uanna.

1 KORINTUS 15:51 Referans Kwoze

FILIPI 3:21

Wadangngi ite apan lome wuṛṛu wotongnge maṛṛenessa indi, sarun wal᷊uanni Kristus maola'a ere wadang-Nge sassane apan mawantuga. I Tou wotongnge ma'ola'a udde ana waugu I Tou uatahuanna taṛṛino mapassuṛṛubawan sarangkanambone.

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

1 KORINTUS 15:6

Wua'udde i Tou naipasilon batangan-Ne lai su sire lima ṛasutta mallal᷊aṛṛenggen-Ne sangkaṛṛindo'a. Anamboanne wuassu manga taumata udde ta'e wiakka orassa indi, tumba'u sire piran katou apan natete.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

EFESUS 5:32

Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

EFESUS 3:3

Ruata namasingkattu addapingngu manara-Ne wuṛṛu nabal᷊o si ya'u. (Su olangnge indi suete ta'u niwoṛṛeta al᷊iu rosone ringannu maautta,

1 KORINTUS 15:18

Udde atappasanne lai manungku manga taumatan Saṛṛani apan natete, udde tawe antimma lai.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

2 KORINTUS 5:2

Sulal᷊ummu wal᷊e su orassa indi, i ite sussal᷊iomanna, ana waugu i ite maapulute atonna matana'a su wal᷊e su surga udde.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.