1 KORINTUS 15:47 - WUKE SUSI WATTI'U AL᷊AL᷊USASSA

⁴⁷ Adam paarorone niola'a wuassu leta'a, arawe Adam aruane nirumanta wuassu surga.

1 KORINTUS 15:47 Referans Kwoze

YOHANES 3:31

Apan nirumanta wuassu atanggaṛṛanne nangillembo wuassu sarangkanambone. Apan nirumanta wuassu runia nareengnga taumatan runia, wuṛṛu uahahatton pallal᷊agun runia. I Tou apan nirumanta wuassu atangngaṛṛanne nangilembo wuassu sarangkanambone.

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

1 KORINTUS 15:45

Sulal᷊ummu Wuke Susi uawoṛṛetta arendi, “Taumata paarorone eteudde Adam, naola'a riadianna apan wiakka,” arawe Adam panginsueanne eteudde Ghaṛṛaho apan mangngonggolu wiakka.

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

YOHANES 6:33

Ana waugu roti apan nionggolu Ruata eteudde i Tou apan nirumanta wuassu surga wuṛṛu nangonggolu wiakku taumata su runia.”

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

1 KORINTUS 15:46

Apan nirumanta paarorone eteudde ola'u wadangnga, wal᷊ine ola'u ghaṛṛaho. Ghaṛṛaho nirumanta sal᷊immurine.