1 KORINTUS 15:27 - WUKE SUSI WATTI'U AL᷊AL᷊USASSA

²⁷ Sulal᷊ummu Wuke Susi uawoṛṛetta arendi, “Ruata suete na'ola'a al᷊awo'a su runia indi massuṛṛubawa si Tou.” Nasemakke manungku pandumannu wisara “al᷊awo'a” udde tawe nasutta Ruata sassane, apan na'ola'a al᷊awo'a masuṛṛubawa si Kristus.

1 KORINTUS 15:27 Referans Kwoze

DARALO 8:6

Arawe I'o napararisikki tou maranin mappatakku Ruata, I'o nalluṛen ararosan awawantuga wuṛṛu aaddata.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

IBRANI 2:8

See lai na'ola'a si tou tembonannu sarangkanambone.” Ne, amungkangu iwisara manungku Ruata nandiaddi taumata “tembonannu sarangkanambone”, udde atappasanne manungku tawe saran sambau apan tawe su al᷊ungngu taṛṛinon taumata. Salaiwe aroddi, i ite orassa indi tawe maasilo taumata uataṛṛino sarangkanambone.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

IBRANI 1:13

Tawe saran paassa Ruata nabbisara arendi su saran sangkatou mala'ekatta, “Aiana'e su samba'a uanang-Ku, ma'oman sara manga seennu Ta'u iapaasubba Si'o.”

IBRANI 10:12

Arawe i Kristus tumba'u nangonggolu sambau sasamba ipanubbusa rosa, wuṛṛu sasamba udde ipappaatta saran mal᷊annu-l᷊annu. Napawe suete nanantillu sasamba udde, i Kristus inuma'ianna su uanannu Ruata wuṛṛu mammarenta suadio'a ringanni Tou.

EFESUS 1:20

apan nipaatti Tou su tempo napaawiakki Kristus apia wuassu papate wuṛṛu nangonggolla si Tou aiananna atanggaṛṛanne su sambau ringannu Duata su surga.

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.