1 KORINTUS 15:24 - WUKE SUSI WATTI'U AL᷊AL᷊USASSA

²⁴ Wua'udde mariaddite Kiamatta. Su tempo udde Kristus sarun mangagassa al᷊awo'u araratuanna, al᷊awo'u taṛṛino, wuṛṛu al᷊awo'u atatohassa; wua'udde i Tou sarun manantillu taṛṛino-Ne ere sangkatou ratu, su Ruata Iamangngi ite.

1 KORINTUS 15:24 Referans Kwoze

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

DANIEL 7:14

I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

1 TIMOTIUS 6:15

Daranta-Ne sarun itantunnu Ruata sassane su tempone apan naṛṛino. Tumba'u i Tou sassane uatahuanna; i Tou mawantuga, Ratu wuassu al᷊awo'u ratu, wuṛṛu Mawu wuassu al᷊awo'u mawu.

YOHANES 13:3

Mawu Yesus masingkatta manungku Iamangnga suete nanantillu al᷊awo'u taṛṛino si Tou. I Tou masingkatta lai manungku i Tou nirumanta wua dingannu Ruata wuṛṛu sarun mabelengnga lai ringannu Ruata.

YESAYA 9:7

Mawu buatte nangema'u ṛuumanna su araratuannu Israel.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

MATIUS 24:13

Arawe taumata apan matataṛṛangnga saran pangudusanne, sarun masal᷊amatta.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

1 PETRUS 4:7

Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

DANIEL 12:13

I'o Daniel, paatuṛṛutte maddatingngu panguddusanne. I'o sarun mate, arawe sarun mabbangunna tadea'u manengkamma lal᷊antakku su panguddusannu tempo.”

DANIEL 12:9

I tou sinumimbakka, “Roote orassa indi, Daniel, ana waugu manga wisara indi ṛinone iwuni wuṛṛu iaddapingnga maddatingngu panguddusannu tempo.

ROMA 8:38

Ana waugu i ya'u mangngimanna atonna, manungku su ahewallu runia, mawae ete papate aroddi lai sulal᷊ummu mabbiakka, mawae ete mala'ekatta aroddi lai tembonannu runia, mawae ete papata'utta tempo indi aroddi lai su tempo addantane, ara'e manga taṛṛino apan waine;

DANIEL 12:4

Ana see mala'ekatta udde nabbisara apia si ya'u, “Daniel, tutuwa'e buke udde orassa indi, wuṛṛu reeten segele tadea'u sidutu uatutuba maddatingngu panguddusannu tempo. Manambo taumata sarun maannamma manaṛṛasidda apa apan tantal᷊anna nariaddi. Arawe sahaddi mangitou udde mangke tawe gunane.”

EFESUS 5:20

Sidutu wuṛṛu su al᷊awo'u manara, ṛinone i yamiu maadiangkamanna su Ruata Iamangnga, sulal᷊ummu aranni Yesus Kristus Mawun kite.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.