1 KORINTUS 15:20 - WUKE SUSI WATTI'U AL᷊AL᷊USASSA

²⁰ Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

1 KORINTUS 15:20 Referans Kwoze

1 KORINTUS 15:23

Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.

WATTI'U MANGA RASUL 26:23

eteudde manungku Ratum Punnu Sal᷊amatta apan pina'iren Ruata udde ṛinone matataṛṛangnga, wuṛṛu maola'a taumata paarorone apan mabbiakka apia wuassu papate, tadea'u ringannu udde i Tou wotongnge mamasingkattu asasemakka – eteudde asasal᷊amatta – mapia su manga taumatan Yahudi aroddi lai su manga taumata apan bal᷊ine Yahudi.”

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 KORINTUS 15:6

Wua'udde i Tou naipasilon batangan-Ne lai su sire lima ṛasutta mallal᷊aṛṛenggen-Ne sangkaṛṛindo'a. Anamboanne wuassu manga taumata udde ta'e wiakka orassa indi, tumba'u sire piran katou apan natete.

WATTI'U MANGA RASUL 2:24

Arawe Ruata napaawiakki Tou apia wuassu wallattu manga taumata nate. I Tou niallupu papate, arawe Ruata napaal᷊iun Tou, ana waugu tawe ṛinone i Tou sidutu aagasannu papate.

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”