1 KORINTUS 15:2 - WUKE SUSI WATTI'U AL᷊AL᷊USASSA

² Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

1 KORINTUS 15:2 Referans Kwoze

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

EFESUS 2:8

Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

YAKOBUS 2:26

Ne, su ereapa wadangnga ringannu tawe ghaṛṛaho, udde wadangnga nate, aroddi lai pangangimanna tawe pallal᷊agu, udde pangangimanna apan nate.

YAKOBUS 2:14

Manga tuṛṛangnga! Apa hunane taumata mabbisara, “I ya'u taumata apan mangngimanna”, amungkangu i tou tawe mapaal᷊iatta'u pallal᷊agune? Wotongnge pangangimanna ereudde maasal᷊amatta si tou?

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

YAKOBUS 2:17

Aroddi lai ringannu pangangimanna, amungkangu tawe ipaal᷊iatta'u pallal᷊agu, ne pangangimanna udde tawe gunane.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

2 TESALONIKA 2:15

Ana waugu udde, Manga tuṛṛangnga, darisikke paatohassa wuṛṛu pangagasse sidutu su manga al᷊aṛṛa'a apan suete nionggoli yami si yamiu, mawae udde uahahati ara'e lai su suratta.

GALATIA 3:4

Tate gunane sarangkanambone apan buatte niapendamanni yamiu udde? Ṛatadde tawe gunane!

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

AMSAL 4:13

Paanaungete sidutu al᷊aṛṛa'a apan buatte nisengkammu wuassia'u. Pal᷊u'are udde mapia-pia, ana waugu ringannu al᷊aṛṛa'a udde pabbiaṛṛannu pia hessine.

AMSAL 3:1

Ariewe paabul᷊iane sarangkanambone apan buatte ta'u niaṛṛa'a si'o, ana'u. Naungewe sidutu parenta'u,

2 KORINTUS 2:15

Ana waugu i yami naal᷊ihida hal᷊urun amania apan mawangngi, apan tinutungngu Mawu Yesus hunane su Ruata. Su saruannu manga taumata apan mattudan papate, i yami indi naal᷊ihida hal᷊urun papate apan maapate; arawe su taumata nambo apan tantal᷊anna iapaasal᷊amatta, i yami indi naal᷊ihida hal᷊uru mawangngi apan mandantan pabbawiakka. Ei, isai wotongnge maasuungngu manara indi?

1 KORINTUS 15:14

Wuṛṛu amungkangngu Kristus tawe niapaawiakka apia wuassu papate, ne tawe gunane i yami mabbatti'u manga apa apan tawe gunane lai su pangangimanni yamiu, ana waugu pangangimanni yamiu udde tawe pinangiananne apa-apa.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

ROMA 11:22

Nariaddi isindi i ite naasilo aroddi apiane Ruata wuṛṛu aroddi aattike lai i Tou. I Tou maṛṛagissa su saruanni mangitou apan marosa, arawe naungngi Tou masaṛṛionto'a si'o – sambal᷊iate i'o sidutu mabbiakka wuassu darangngu-Ne. Amungkangngu tawe, i'o lai sarun iramme.

WATTI'U MANGA RASUL 8:13

I Simon sassane lai nangngimanna. Wuṛṛu napawe suete nissaṛṛani, i tou sidutu uatantalongnga si Filipus. Manga al᷊aṛṛindu'a apan suete nariaddi udde, mangke ma'atiangnga si Simon.

WATTI'U MANGA RASUL 2:47

I mangitou sidutu madalo Ruata wuṛṛu ipaapulun taumata nambo. Miallo-miallo reenganni mangitou aatambanna ana waugu Mawu nangonggolu manga taumata apan tantal᷊anna sassal᷊amattanna.

AMSAL 23:23

Al᷊aṛṛa'a apan atonna, apande, aehetta, wuṛṛu pasasunna – sarangkanambone udde wotongnge awallianna, arawe tumaniten maarega amungkangngu iwal᷊u'a.

1 KORINTUS 11:2

I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.