1 KORINTUS 15:18 - WUKE SUSI WATTI'U AL᷊AL᷊USASSA

¹⁸ Udde atappasanne lai manungku manga taumatan Saṛṛani apan natete, udde tawe antimma lai.

1 KORINTUS 15:18 Referans Kwoze

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

1 TESALONIKA 4:16

Paṛṛadote mala'ekatta mawantuga sarun umui ringannu tingikka ma'ikkatta wuṛṛu trompetu Ruata iapatuntingikka maola'a sambau tatiala iapasaddia. See Mawu Yesus sassane sarun sumossokka wuassu surga, wuṛṛu manga taumatan Saṛṛani apan natete sarun iapaawiakka dorone.

1 KORINTUS 15:6

Wua'udde i Tou naipasilon batangan-Ne lai su sire lima ṛasutta mallal᷊aṛṛenggen-Ne sangkaṛṛindo'a. Anamboanne wuassu manga taumata udde ta'e wiakka orassa indi, tumba'u sire piran katou apan natete.

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

1 TESALONIKA 4:15

Tumuṛṛuttu olangnge udde, indete al᷊aṛṛa'u Mawu apan iapaassingkati ami si yamiu; Su tempo Mawu Yesus rumanta, i ite apan ta'e wiakka, tawe malliu ṛoro manga taumata apan natete dorone.