1 KORINTUS 15:17 - WUKE SUSI WATTI'U AL᷊AL᷊USASSA

¹⁷ Wuṛṛu amungkangngu Kristus tawe niapaawiakka apia, ne pangangimannu tumba'u wal᷊iawa tawe gunane; udde atappasanne i yamiu ta'e sulal᷊ummu paddarosa wuṛṛu tawe antimma mapia saran kadio'a.

1 KORINTUS 15:17 Referans Kwoze

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

1 KORINTUS 15:14

Wuṛṛu amungkangngu Kristus tawe niapaawiakka apia wuassu papate, ne tawe gunane i yami mabbatti'u manga apa apan tawe gunane lai su pangangimanni yamiu, ana waugu pangangimanni yamiu udde tawe pinangiananne apa-apa.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

ROMA 5:10

Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

YEHEZKIEL 33:10

Mawu nabbisara si ya'u, “Ei taumata apan mattate, sul᷊ea'a su taumatan Israel wisaram mangitou indi, ‘I yami maṛṛasa ana waugu uapasanna rosa wuṛṛu al᷊al᷊eong kami. Ereapa i yami wotongne mabbiakka?’

1 KORINTUS 15:16

Ana waugu amungkangngu taumata nate tawe iapaawiakka apia, ne Kristus lai tawe niapaawiakka wuassu papate.