1 KORINTUS 15:13 - WUKE SUSI WATTI'U AL᷊AL᷊USASSA

¹³ Amungkangngu atonna taumata nate tawe iapaawiakka apia, udde atappasanne Kristus lai tawe niapaawiakka apia wuassu papate.

1 KORINTUS 15:13 Referans Kwoze

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

1 TESALONIKA 4:14

I ite mangngimanna manungku Mawu Yesus suete nate wuṛṛu nabbiakka apia. Ana waugu udde i ite mangngimanna lai manungku Ruata sarun mapaawiakku apia anambon taumata apan mangngimanna Mawu Yesus wuṛṛu apan natete, tadea'u i mangitou mabbiakka su sampunna ringanni Tou.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

IBRANI 2:14

Ana waugu manga taumata apan nisaggon i Tou ana'a udde, eteudde sangkatou taumata apan wotonge mate, ne Mawu Yesus sassane naola'a uasul᷊ungngi mangitou wuṛṛu mabbiakka sulal᷊ummu ola'u taumata. I Tou na'ola'a aroddi, tadea'u ringannu papate-Ne i Tou wotongnge maṛṛimunsa'a Setanna apan uataṛṛino papate.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

WATTI'U MANGA RASUL 23:8

Ana waugu manga taumatan Saduki pia addapanne manungku taumata nate tate mabbiakka apia, manungku tawe mala'ekatta, wuṛṛu tawe lai manga ghaṛṛaho, arawe manga taumatan Farisi mangngimanna sarangkanambone udde.)

1 KORINTUS 15:12

Amungkangngu iwabbatti'i yami eteudde manungku Kristus buatte niapaawiakka wuassu papate, anio pia wuassu wallatti yamiu mabbisara manungku taumata nate tawe iapaawiakka apia?

1 KORINTUS 15:14

Wuṛṛu amungkangngu Kristus tawe niapaawiakka apia wuassu papate, ne tawe gunane i yami mabbatti'u manga apa apan tawe gunane lai su pangangimanni yamiu, ana waugu pangangimanni yamiu udde tawe pinangiananne apa-apa.