1 KORINTUS 15:10 - WUKE SUSI WATTI'U AL᷊AL᷊USASSA

¹⁰ Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 15:10 Referans Kwoze

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

2 KORINTUS 3:5

I yami tawe sambau pinangiananne mapaal᷊iatta'a manungku i yami wotongnge mammanara manara indi, arawe Ruata nangonggolu apande udde si yami.

FILIPI 2:13

ana waugu Ruata sassane apan mammanara sulal᷊ummu ririnu ipa'ola'a si yamiu mawala wuṛṛu wotongnge maal᷊uassa naungngu Ruata.

GALATIA 2:8

Ana waugu Ruata nangonggolu atatohassa si Petrus maola'a rasullu taumatan Yahudi, wuṛṛu nangonggola lai atatohassa si ya'u maola'a rasullu taumata wal᷊ine Yahudi.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

ROMA 11:1

I ya'u maiwal᷊o: Apa Ruata suete nandammen walahan-Ne sassane? Atonna tawe! I ya'u sassane sangkatou taumatan Israel papapulunni Abraham, wuṛṛu wuassu ṛuanganni Benyamin.

MATIUS 10:20

Ana waugu mabbisara su tempo udde wal᷊inewe yamiu, arawe Ghaṛṛahon Iamangnga su surga, uaṛṛundinganna si yamiu.

1 KORINTUS 3:6

I ya'u massuanna wuṛṛu Apolos mamamokkane, arawe Ruata sassane apan mamadul᷊i sasuanna udde.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

1 KORINTUS 15:11

Nariaddi, salaiwe wuassi sai yamiu nanengkamma Watti'u Al᷊al᷊uassa udde – apa udde wuassia'u ara'e wuassu manga rasul waine – udde tawe maola'a hatto. Apianne eteudde i yamiu mabbatti'u Watti'u Al᷊al᷊uassa udde wuṛṛu i yamiu mangngimanna.

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.