1 KORINTUS 14:37 - WUKE SUSI WATTI'U AL᷊AL᷊USASSA

³⁷ Amungkangngu pia taumata uatahuanna al᷊amatta ipammasingkatu watti'u Ruata, ara'e i tou pia al᷊amatta waine wuassu Ghaṛṛahon Duata, taumata udde ṛinone manutukka manungku apa apan ta'u niwoṛṛetta indi eteudde darolokka wuassu Mawu.

1 KORINTUS 14:37 Referans Kwoze

1 YOHANES 4:6

Arawe ete i ite indi al᷊aṛṛana'u Ruata; wuṛṛu taumata apan maaillal᷊a Ruata, madaringikka wisaran kite. Taumata wal᷊ine pussa'an Duata maddiri maddaringikka wisaran kite. Aroddiwe olangnge i ite maasingkattu paṛṛalanne Ghaṛṛaho apan mangngonggolu al᷊aṛṛa'a apan atonna, wuṛṛu ghaṛṛaho apan mangngal᷊iwu.

2 KORINTUS 10:7

Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

YUDAS 1:17

Arawe tuṛṛangku apan arangnguanna, paanaunge apa apan dorone niwisaran manga rasulu Mawun kite Yesus Kristus.

2 PETRUS 3:2

I ya'u mandolokka tadea'u i yamiu mannaungnga manga wisara apan rorone suete niwisara manga nabi Ruata, wuṛṛu parentan Mawu. Ratum Punnu Sal᷊amatta apan niapassingkatu manga rasul si yamiu.

GALATIA 6:8

Amungkangu taumata massuanna tumuṛṛuttu pallal᷊agun taumata, i tou sarun mangitingnga apapate wuassu pallal᷊agune udde. Arawe amungkangu i tou massuanna tumuṛṛuttu piaṛṛa'u Ghaṛṛahon Duata, i tou sarun mangitingnga wiakka tutune wuṛṛu mal᷊annu-l᷊annu wuassu Ghaṛṛahon Duata.

2 KORINTUS 11:4

Ana waugu ellehanna i yamiu mal᷊uassa manarimmattu taumata apan rumanta ringannu wuṛṛu mangngaṛṛa'u Mawu Yesus waine – wal᷊ine Mawu Yesus apan niapaasingkati yami si yamiu. Wuṛṛu i yamiu lai mal᷊utu manal᷊oho ghaṛṛaho wuṛṛu “watti'u al᷊al᷊uassa” apan uapapaṛṛalan Ghaṛṛahon Duata wuṛṛu Watti'u Al᷊al᷊uassa apan suete nitarimmatti yamiu wuassi yami.

2 KORINTUS 10:12

I yami tawe lai waṛṛani manumandinga ara'e manul᷊ungngu watanganni yami massul᷊ungngu manga taumata apan uapendama watanganne matanggakka. Tumaniten woddo i mangitou! I mangitou ma'ola'a aul᷊aanne sassane wuṛṛu mannanda watanganni mangitou sassane ringannu aul᷊aanne udde.

1 KORINTUS 8:2

Taumata apan massunna manungku i tou masingkattu sarangkanambone, su ṛinone i tou taambe naasingkata sara al᷊al᷊umanne.

1 KORINTUS 7:40

Arawe i tou lembon ma'untunganna amungkangngu tate maawingnga apia. Udde addapa'u sassane, arawe i ya'u mammendama manungku wisara'u udde eteudde ringannu taṛṛino Ghaṛṛahon Duata.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

ROMA 12:3

Ruata buatte nangonggolu al᷊amatta si ya'u. Ana waugu udde i ya'u manantiro su tuṛṛangnga sarangkanambone; imbaṛṛangnga mamendama ririnu mattanggaṛṛana wuassu apan ṛinone. Ṛinone i yamiu mattiala watanganni yamiu ringannu awawawon naungnga; sangkatou-sangkatou mattiala watanganne tumuṛṛuttu asingkata apan suete nionggolu Ruata si tou ana waugu mangngimanna Mawu Yesus.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

REENGANNA 24:16

apan buatte naaringikka wisaran Duata, apan botongnge maaillal᷊a Apan Atanggaṛṛanne; apan naasilo sondappa wuassu Apan Lembontaṛṛino apiddu naṛṛa'a arawe mata uaalla.

1 KORINTUS 2:15

Taumata apan uatahuanna Ghaṛṛahon Duata wotongnge maatiala al᷊awo'u inolaanna, arawe tawe saran sangkatou wotongnge maatiala si tou.

1 KORINTUS 3:1

Manga tuṛṛangnga, i ya'u tawe su ṛinone maggahatton kamiu ere taumata uatahuanna Ghaṛṛahon Duata. I ya'u tumba'u wotongnge maggahatton kamiu ere taumata apan ta'e mabbiakka tumuṛṛuttu apulun dunia; ere manga taumata apan ta'e ere ana'a maraddio'a sulal᷊ummu pangangimanne si Kristus.

1 KORINTUS 14:29

Darua ara'e sire tallu apan uatahuanna watti'a wuassu Ruata ṛinone mamasingkattu watti'a udde tantal᷊anna waine maṛṛingiddu apa apan iwabbisara udde.

1 KORINTUS 14:36

Apa wisaran Duata nirumanta wuassi yamiu? Ara'e tumba'u si yamiu sassane wisara udde niwal᷊o?

1 KORINTUS 14:38

Arawe amungkangngu piaddu maddiri manengkamma indi, imbaṛṛangnga mappandumma si tou.