1 KORINTUS 14:33 - WUKE SUSI WATTI'U AL᷊AL᷊USASSA

³³ Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

1 KORINTUS 14:33 Referans Kwoze

1 KORINTUS 14:40

Arawe sarangkanambone ṛinone olaanna ringannu mapia wuṛṛu uaatokka.

2 TESALONIKA 3:16

Eteudde Mawu punnu paddaramen kite. Doronganna i Tou siddutu mangonggolu paddarame si yamiu su al᷊awo'u inolaanna. Doronganna Mawu makkundinganna tuṛṛanga sarangkanambone.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

1 KORINTUS 11:16

Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

IBRANI 13:20

Ruata suete napaawiakku Mawung kite Yesus Kristus wuassu papate. Ana waugu papate-Ne udde i Tou orassa indi naola'a Mallal᷊u'adda Mawantuga si ite, eteudde manga dombane. Papate-Ne udde lai mannohassa pa'aire apan tawe pangudusanne apan niola'u Ruata ringanni ite.

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 KORINTUS 7:15

Arawe amungkangngu taumata apan tawe mangngimanna udde manantangngu awingnge wawine ara'e esakka apan Saṛṛani, arie pama'ungnga si tou. Sulal᷊ummu olangnge indi wawine ara'e esakka udde nal᷊iute, ana waugu Ruata maapulu tadea'u i yamiu mabbiakka ringannu uasampinunutanna.

ROMA 15:33

Antimanna Ruata, apan nangonggolu paddarame su taumata, uatana'a ringanni yamiu sarangkanambone. Amin.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

WATTI'U MANGA RASUL 9:13

Ananias sinumimbakka, “Mawu, i ya'u suete naaringikka manambo taumata uahahatton taumata indi, lembonete su ola'u pandal᷊al᷊eo apan niolangnge su saruannu walahanna su Yerusalem.

1 KORINTUS 14:32

Al᷊amatta wuassu Ghaṛṛaho ipammasingkatu watti'u Ruata wotongnge iapiaṛṛa'u taumata apan mammasingkatu watti'a udde.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

REENGANNA 7:11

Mawu nabbisara si Musa, “Wal᷊oa'e si mangitou manungku mamiallo su al᷊annune mapul᷊o dua su allone sangkatou su wallatu manga piaṛṛangnge udde ṛinone mangonggolu sasambane udde maola'a lal᷊aghun patatenegu mezbah.”