1 KORINTUS 14:32 - WUKE SUSI WATTI'U AL᷊AL᷊USASSA

³² Al᷊amatta wuassu Ghaṛṛaho ipammasingkatu watti'u Ruata wotongnge iapiaṛṛa'u taumata apan mammasingkatu watti'a udde.

1 KORINTUS 14:32 Referans Kwoze

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

2 MARARATU 2:5

Sangkammul᷊anna nabi apan uatana'a isudde inaite naisasomban Elisa wuṛṛu naiwal᷊o, “Masingkatawe i'o manungku su allo indi i Tuangngu sarun iapaasengkengu Mawu wuṛṛu manantangngu?” “Ore, i ya'u masingkatta,” sasimbakki Elisa. “Arawe uddita'e, ariete i ite maggahatton udde.”

2 MARARATU 2:3

Sangkammul᷊anna nabi apan uatana'a isudde inaite naisasomban Elisa wuṛṛu naiwal᷊o, “Masingkatewe i'o manungku su allo indi i'o sarun itantangu tuangu ana waugu i tou sarun iapaasengkengu Mawu?” “Ore, i ya'u masingkatta,” sasimbakki Elisa. “Arawe uddita'e, ariete i ite maggahatton udde.”

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

1 KORINTUS 14:31

Ringannu atokke aroddi, manga tuṛṛangnga sarangkanambone, sangkatou ringannu sangkatou wotongnge mapaasingkatu Watti'u Ruata; tadea'u sarangkanambone wotongnge manengkamma al᷊aṛṛa'a wuṛṛu maola'a lembon mangngimanna.

1 KORINTUS 14:33

Ruata eteudde Mawu apan maapulu uaatokka mapia; i Tou wal᷊ine Ruata apan maapulun patatiakka. Ere lai nariaddi sulal᷊ummu anambon jamaattu Ruata,

2 TESALONIKA 2:2

Arie mal᷊iha-l᷊ihakka umal᷊ingu ara'e umambul᷊isada ana waugu watti'a manungku nia'omante allone Mawu Yesus rumanta apia. Asinungka watti'a udde darantane wuassu sambau watti'u nabi, ara'e wuassu sambau al᷊aṛṛa'a; ara'e wotongnge mariaddi piaddu nabbisara manungku i yami suete namoṛṛeta aroddi sulal᷊ummu sambau suratti yami.

SONDAPPA 22:6

See mala'ekatta udde nabbisara si ya'u, “Manga wisara indi atonna wuṛṛu wotongnge apangimananna. Mawu Ruata apan nangonggolu Ghaṛṛaho-Ne su manga nabi, suete nandolokku malaekan-Ne mamantingida su manga allang-Nge apa apan sarun mal᷊ihakke mariaddi.”