1 KORINTUS 14:30 - WUKE SUSI WATTI'U AL᷊AL᷊USASSA

³⁰ Arawe unnu wisara watti'u Ruata nirumanta su sangkatou waine apan ua'ianna su ammul᷊anna udde, ne taumata apan tantal᷊anna mabbisara, ṛinone mangillol᷊o.

1 KORINTUS 14:30 Referans Kwoze

AYUB 32:11

Ringannu sabbare i ya'u maddaringikka sutempo i yamiu mabbisara, wuṛṛu uaṛṛaddo napawe i yamiu maddea'a manga wisara apan mapia.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 KORINTUS 14:6

Amungkangngu unnu wisara i ya'u rumanta ringanni yamiu wuṛṛu i ya'u mabbisara sulal᷊ummu sasinaukka apan maaṛṛindu'a, apa hunane udde si yamiu? Tawe gunane saran kadio'a! Waine lai olangnge amungkangu i ya'u mamassingkatu sambau pandumannu Ruata, ara'e i ya'u mannal᷊a'a su ola'u ereapa Ruata, ara'e i ya'u mapaasingkatu watti'a wuassu Ruata, ara'e i ya'u mangngaṛṛa'a.

1 KORINTUS 14:29

Darua ara'e sire tallu apan uatahuanna watti'a wuassu Ruata ṛinone mamasingkattu watti'a udde tantal᷊anna waine maṛṛingiddu apa apan iwabbisara udde.

1 KORINTUS 14:31

Ringannu atokke aroddi, manga tuṛṛangnga sarangkanambone, sangkatou ringannu sangkatou wotongnge mapaasingkatu Watti'u Ruata; tadea'u sarangkanambone wotongnge manengkamma al᷊aṛṛa'a wuṛṛu maola'a lembon mangngimanna.