1 KORINTUS 14:26 - WUKE SUSI WATTI'U AL᷊AL᷊USASSA

²⁶ Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 KORINTUS 14:26 Referans Kwoze

EFESUS 5:19

Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

EFESUS 4:16

Sulal᷊ummu piaṛṛa-Nge, anambon wageangngu wadangnga udde uaatokka mapia, wuṛṛu pinasasamputu manga latto'anne sambau-sambau. Wuṛṛu amungkangu suapan wageangnge udde mammanara su atokke, ne ahewallu wadangnga udde sarun tumuwo mabbal᷊i timmade wuṛṛu matohassa sulal᷊ummu darangngu.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

2 KORINTUS 13:10

Ana waugu udde, i ya'u namoṛṛettu suratta indi su tempo i ya'u taambe uatana'a su pattangnganni yamiu. Ringannu aroddi, amungkangngu i ya'u rumantate, i ya'u tawe mamarenta ringannu maṛṛagissa su saruanni yamiu ringannu taṛṛino apan nionggolu Mawu si ya'u. Taṛṛino udde nionggola ipannohassa pangangimanni yamiu, wal᷊inewe ipandal᷊eo si yamiu.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

1 KORINTUS 14:40

Arawe sarangkanambone ṛinone olaanna ringannu mapia wuṛṛu uaatokka.

EFESUS 4:12

Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

1 KORINTUS 14:27

Amungkangngu piaddu mabbisara sulal᷊ummu sasinaukka apan maaṛṛindu'a, ṛinone darua ara'e mattingka nambo sire tallu ual᷊al᷊ol᷊ossa mabbisara. Wuṛṛu ṛinone piaddu mannal᷊a'a apa apan iwabbisaran taumata udde.

ROMA 1:13

Manga tuṛṛangnga! I ya'u maapulu tadea'u i yamiu maasingkata manungku masokkate i ya'u pia pandumma mattembo si yamiu arawe sidutu mangke pia hal᷊ahene. I ya'u maapulu tadea'u su wallatti yamiu lai, manara'u pia gessine ere lai manara'u apan buatte nabbua su wallattu manga taumata apan wal᷊ine Yahudi su manga tampa waine.

ROMA 12:7

Taumata apan pia asingkatta ipantul᷊ungngu taumata waine, ṛinone atonna-tonna mantul᷊ungngu taumata waine. Taumata apan pia asingkatta mannantiro, ṛinone i tou atonna-tonna mannantiro.

ROMA 15:2

Arawe i ite sambau-sambau ṛinone malluassa naungngu tuṛṛangngi ite su apapiane, tadea'u pangngangimanne aatambanna atohanne.

1 KORINTUS 14:2

Taumata apan mabbisara sulal᷊ummu sasinaukka apan maaṛṛindu'a, taumata udde wal᷊inewe mabbisara su taumata; i tou mabbisara su Ruata. Tawe taumata apan maasunna wisarane, ana waugu Ghaṛṛahon Duata apan na'ola'a si tou mabbisara manga inolaana apan tumba'u asingkatannu Ruata.

1 KORINTUS 14:15

Nariaddi, ṛinone i ya'u ma'ola'a apa? Indi apan sarun ta'u olaanna: I ya'u sarun umal᷊iomannu ghaṛṛaho'u, arawe i ya'u sarun umal᷊iomanna lai ringannu ṛingiṛṛangku. I ya'u sarun mangantari ringannu ghaṛṛaho'u, arawe i ya'u maapulu lai mangantari ringannu ṛingiṛṛangku.