1 KORINTUS 14:25 - WUKE SUSI WATTI'U AL᷊AL᷊USASSA

²⁵ Manga inolaanna apan uawuni sulal᷊ummu naungnge sarun iapaal᷊iatta'a, na'oman sara i tou sumallungu watanganne see massubba Ruata. I tou sarun manga'u, manungku Ruata atonna tonna su pattangnganni yamiu.

1 KORINTUS 14:25 Referans Kwoze

YESAYA 45:14

Mawu nabbisara su Israel, “Tahuanete hessin leta'u Mesir wuṛṛu auntungannu Sudan. Manga taumatan Syeba apan waṛṛani mabbal᷊i pussa'anu; i mangitou u'amatta su liuddi yamiu ringannu laṛṛapusanna. I mangitou sarun massubba wuṛṛu manga'u, ‘Ruata atonna-tonna su pattangngannu; tawe mawu wal᷊ine tumba'u i Tou!

ZAKARIA 8:23

Su manga allo udde siri mapul᷊o taumata raho sarun dumanta ringannu sangkatou taumatan Yahudi wuṛṛu mabbisara, ‘I yami mappulu maauntunnga ere i yamiu; ana waugu i yami naaringikka manungku Ruata nangal᷊amatta si yamiu.’ ” Mawu Apan Lembontaṛṛino buatte nabbisara.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

LUKAS 17:16

See su saruannu Mawu Yesus i tou nassubba wuṛṛu naadiangkamanna si Tou. Taumata udde taumatan Samaria.

LUKAS 8:28

Napawe naasilo Mawu Yesus, i tou nangintul᷊i see inumal᷊intuda su saruannu Mawu Yesus wuṛṛu nabbisara, “Mawu Yesus, Ana'u Ruata Apan Atanggaṛṛanne! Sarun olaannu ereapa i ya'u indi? I ya'u sumal᷊ande ariewe manansara si ya'u!”

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

YESAYA 60:14

Manga ana'u mangangallangngu rumanta umal᷊intudda, iapa apan buatte nangal᷊uandaga si'o sarun massuṛṛubbawa, i'o sarun isaggo ‘Soa Mawu’, ‘Sion, Soan Duata Susin Israel’.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

TAHIUL᷊E 9:18

Ana see paassa lai ya'u niumal᷊intudda su saruannu Mawu su puiddu wowone al᷊annune appatu pul᷊o su allone wuṛṛu appatu pul᷊o su ṛabbine, tawe umanna ara'e ma'inumma. Udde ta'u niola'a ana waugu i yamiu buatte na'ola'a rosa su saruannu Mawu ringannu na'ola'a al᷊al᷊eo, na'omana sara i Tou nasa'u.

PANDARIADDI 44:14

Su tempo i Yehuda wuṛṛu manga tuṛṛangnge na'omate su wal᷊en Yusuf, i tou ta'e isudde, wuṛṛu i mangitou niumal᷊intudda su saruanne.

SONDAPPA 19:4

Ne sire ruam pul᷊o appata piaṛṛange wuṛṛu sire appata riadianna apan uapal᷊iwutta adderan araratuanna udde inumaruutta wuṛṛu nassubba Ruata apan ua'ianna su adderan araratuanna. I mangitou nabbisara, “Amin! Paddalote Ruata!”

DANIEL 2:47

Ratu nabbisara, “Attonna, Daniel, Ruatanu udde ahewal᷊anne suwallattu al᷊awo'u Ruata. I tou uddewe utaṛṛino al᷊awo'u ratu, wuṛṛu manani'attu al᷊awo'u addapingnga. I ya'u masingkattu olangnge udde ana waugu i'o buatte nanala'an atappasannu addapingnga indi.”

YOHANES 4:19

“Orassa indi ya'u naasingkatte Mawu sangkatou nabi,” unnu wawine udde.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

1 SAMUEL 9:19

I Samuel sinumimbakka, “Ete ya'u taṛṛa si'atta udde. Roote palliuṛṛoro watukku tampa patataṛṛamawuanna su wuidda, ana waugu allo indi iraddua sarun umanna suadio'a ringangku. Tiṛaṛabbi marua allo maṛṛanggappa aiwal᷊onu sarun ta'u simbaṛṛanna, wua'udde iraddua wotongngete mapul᷊e.