1 KORINTUS 14:17 - WUKE SUSI WATTI'U AL᷊AL᷊USASSA17 Salaiwe aal᷊iomanna aadiangkamanna su Mawu udde lembon mapia, arawe aal᷊iomannu udde mangke tawe gunane saran kadio'a su taumata waine. Gade chapit la |
Amungkangngu unnu wisara i ya'u rumanta ringanni yamiu wuṛṛu i ya'u mabbisara sulal᷊ummu sasinaukka apan maaṛṛindu'a, apa hunane udde si yamiu? Tawe gunane saran kadio'a! Waine lai olangnge amungkangu i ya'u mamassingkatu sambau pandumannu Ruata, ara'e i ya'u mannal᷊a'a su ola'u ereapa Ruata, ara'e i ya'u mapaasingkatu watti'a wuassu Ruata, ara'e i ya'u mangngaṛṛa'a.
Lembon apianne amungkangngu i yamiu sarangkanambone wotongnge mabbisara ringannu alawo'u sasinaukka apan maaṛṛindu'a. Arawe lembon apianne eteudde amungkangngu i yamiu wotongnge mabbatti'u manga apulun Duata. Ana waugu taumata apan mabbatti'u watti'a wuassu Ruata, maggewal᷊anna wuassu taumata apan mabbisara ringannu al᷊awo'u sasinaukka apan maaṛṛindu'a; waine lai olangnge amungkangngu taumata apan mabbisara sulal᷊ummu al᷊awo'u sasinaukka apan maaṛṛindu'a udde wotongnge manal᷊a'a apa apan iwabbisarane udde, tadea'u anambon jamaatta maasomba hessine, ara'e wuane.