1 KORINTUS 14:16 - WUKE SUSI WATTI'U AL᷊AL᷊USASSA

¹⁶ Ana waugu amungkangngu tuṛṛangnga maadiangkamanna su Ruata tumba'u ringannu ghaṛṛahonu sassane, wuṛṛu pia taumata waine apan tawe maasunna sasinaukka maaṛṛindu'a wuassu Ghaṛṛahon Duata udde, ne taumata udde tawe maappabbisara, “I ya'u lai maapulu” su aadiangkamannu udde; ana waugu i tou wagga apa apan iwabbisaranu udde.

1 KORINTUS 14:16 Referans Kwoze

SONDAPPA 5:14

Ne sire appata riadianna udde sinumimbakka, “Amin!” Wuṛṛu manga piaṛṛa'a udde inumaruuta wuṛṛu nassubba.

DARALO 106:48

Paddalote Mawu, Ruatan Israel, orassa indi saran mal᷊annu-l᷊annu. Wala'ewe anambon taumata mabbisara, “Amin!” Paddalote Mawu!

1 TAWARIKH 16:36

Paddalote Mawu, Ruatan Israel, orassa indi maddatingngu saran mal᷊annu-l᷊annu! Wua'udde anambon walahannu Israel nabbisara, “Amin,” ana see i mangitou naddalote Mawu.

1 KORINTUS 11:24

wuṛṛu napawe i Tou buatte naadiangkamanna su Ruata ana waugu roti udde, i Tou namesangnga roti ringannu lima-Ne, see nabbisara, “Ete indi wadang-Ku apan tinantilla ana waugu i yamiu. Ola'e indi sambau pananaunganna si Ya'u.”

YEREMIA 28:6

“Mapia udde! Doronganna panani'annu udde sarun lumiatta'a, wuṛṛu Mawu atonna-tonna mangapidda apia wuassu Babel manga saranapan Bal᷊e Mawu suadio'a ringannu anambon taumata apan buatte niwuangnga poiaroddi.

NEHEMIA 8:6

Ezra nabbisara, “Paddalote Mawu, Ruata apan wahewalla!” Anambon tumanangnge namatten lima matangga-tanggakka wuṛṛu sinumimbakka, “Amin, amin!” Ana see i mangitou niumal᷊intudda nassubba Ruata.

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”

REENGANNA 5:22

Ua'e apan mandantan awawontoga udde sarun sumutta sulal᷊ummu tiannu wuṛṛu mabbal᷊i maggandalla tiannu wuṛṛu punnu palangngu maaṛṛuangkinna.” Wawine udde ṛinone sumimbakka, “I ya'u maapulu, antimanna Mawu ma'ola'a aroddi.”

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

1 KORINTUS 16:24

Napaapiddu lai darangngu si yamiu sarangkanambone apan naaukka suadio'a ringanni Kristus Yesus. Tabea wuassi yami, Paulus

1 KORINTUS 14:14

Ana waugu amungkangngu i ya'u umal᷊iomanna ringannu sasinaukka apan maaṛṛindu'a, ghaṛṛaho'u atonna u'al᷊iomanna, arawe ṛingiṛṛangku tawe mammanara.

1 KORINTUS 14:2

Taumata apan mabbisara sulal᷊ummu sasinaukka apan maaṛṛindu'a, taumata udde wal᷊inewe mabbisara su taumata; i tou mabbisara su Ruata. Tawe taumata apan maasunna wisarane, ana waugu Ghaṛṛahon Duata apan na'ola'a si tou mabbisara manga inolaana apan tumba'u asingkatannu Ruata.

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

YOHANES 21:25

Ta'e manambo lai hatto waine apan niola'u Mawu Yesus. Unnu wisara sarangkanambone udde iwoṛṛetta passam bau, i ya'u mammendamma tawe a'ionanne ahewallu runia indi pangadoannu anambon wuke apan sarun iwoṛṛeta udde.

YOHANES 7:15

Manga tembonannu Yahudi naherangnga wuṛṛu nabbisara, “Ereapa taumata indi asingkanne aroddi anambone, sumbal᷊i I Tou tawe nassi'ol᷊a?”

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

DARALO 89:52

Manga seen-Nu mallobbossa ratu nipile-Nu, oh Mawu, mangngal᷊uandaga si tou suapan amatanne.

DARALO 72:19

Daralo su aran-Ne apan mawantuga saran mal᷊annu-l᷊annu; antimanna ahewallu runia mapenen awawantu-Ge! Ariaddite aroddi. Amin!

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

NEHEMIA 5:13

Wua'udde i ya'u namu'a selempanga su tapanna'u ana see ta'u nialabba lapiddu nabbisara, “Etearendi rinone Ruata mamaṛṛassa anambon taumata apan tawe manuungngu paairene. Taumata udde sarun mabbal᷊i masusa, wal᷊en wuṛṛu anambon darotongnge sarun ul᷊eannu Ruata!” Anambon ammul᷊anna sinumibakka, “Amin!” ana see naddalote Mawu. Ne manga piaṛṛa'a udde nanuungngu paairen mangitou.

1 MARARATU 1:36

“Aroddite, Apan Mawantuga,” sasimbakki Benaya, “antimanna Mawu, Ruatan Tuangnga, manohassa parentan Tuangnga udde.

MATIUS 15:36

See i Tou nanganute roti pitum bau wuṛṛu inassa, wua'udde na'adiangkamanna su Ruata. Wua'udde i Tou nattahiate roti wuṛṛu inassa udde ringannu lima-Ne sassane, see nionggola su mallal᷊aṛṛenggen-Ne. Wuṛṛu i mangitou nattahiate su taumata manambo udde.

2 KORINTUS 1:20

Ana waugu sulal᷊ummi Tou Ruata suete nabbisara “Ore” su al᷊awo'u paaire-Ne. Ana waugu udde i ite mabbisara “Amin” su Ruata ana waugu Yesus Kristus. I yami na'ola'a aroddi tadea'u Ruata wantuhanna.