1 KORINTUS 14:15 - WUKE SUSI WATTI'U AL᷊AL᷊USASSA

¹⁵ Nariaddi, ṛinone i ya'u ma'ola'a apa? Indi apan sarun ta'u olaanna: I ya'u sarun umal᷊iomannu ghaṛṛaho'u, arawe i ya'u sarun umal᷊iomanna lai ringannu ṛingiṛṛangku. I ya'u sarun mangantari ringannu ghaṛṛaho'u, arawe i ya'u maapulu lai mangantari ringannu ṛingiṛṛangku.

1 KORINTUS 14:15 Referans Kwoze

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

YUDAS 1:20

Arawe i yamiu manga tuṛṛangku, paddul᷊ianete siddutu wiakku sulal᷊ummu pangangimannu si Yesus Kristus. Pangangimannu udde lembon susi. Tantal᷊anna udde aal᷊iomante ringannu Taṛṛinon Ghaṛṛahon Duata,

DARALO 47:7

Pangantariten daralo su Ruata, pangantariten daralo su Ratun kite!

1 KORINTUS 14:19

Arawe sulal᷊ummu manga ammul᷊anna ipassubba Mawu, i ya'u mappianne mappaattu liman kapadi wisara apan wotongnge asunnannu taumata wuassu mappaattu su ṛiwune wisara sulal᷊ummu sasinaukka apan maaṛṛindu'a. I ya'u mappianne maapulu aroddi, tadea'u i ya'u wotongnge mangaṛṛa'a taumata.

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

ROMA 3:5

Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

FILIPI 1:18

Arawe tawe apane! Ana waugu salaiwe ereapa, mawae udde a'olaanna ringannu pandumma apan mapia ara'e ringannu pandumma apan nassal᷊a, ne Kristus mangke iwabbatti'a lai; nariaddi ya'u lulluassa. Wuṛṛu i ya'u sidutu uapendamma aroddi,

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

WATTI'U MANGA RASUL 21:22

Orassa indi manga taumatan Yahudi apan nangngimante udde sarun maaringikka manungku tuṛṛangnga isindi. Nariaddi ereapa orassa indi?

1 KORINTUS 14:14

Ana waugu amungkangngu i ya'u umal᷊iomanna ringannu sasinaukka apan maaṛṛindu'a, ghaṛṛaho'u atonna u'al᷊iomanna, arawe ṛingiṛṛangku tawe mammanara.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

YAKOBUS 5:13

Amungkangu su wallatti yamiu pia sangkatou apan tantal᷊anna massusa, ṛinone i tou umal᷊iomanna. Amungkangu piaddu lulluassa, ṛinone i tou mangantari maddalo Ruata.