1 KORINTUS 14:13 - WUKE SUSI WATTI'U AL᷊AL᷊USASSA

¹³ Ana waugu udde taumata apan mabbisara sulal᷊ummu sasinaukka apan maaṛṛindu'a, ṛinone madorongnga wuassu Ruata tadea'u i tou onggol᷊annu lai apande ipannal᷊a'a apa apan iwabbisarane udde.

1 KORINTUS 14:13 Referans Kwoze

1 KORINTUS 12:30

ara'e mapaapian taumata, ara'e mabbisara ringannu al᷊awo'u sasinaukka apan maaṛṛindu'a, ara'e mannappasu manga sasinaukka udde.

MARKUS 11:24

Ana waugu udde paanaunge indi: Napawe i yamiu umal᷊iomanna wuṛṛu madorongnga sarannapa, pangimante manungku Ruata suete nangonggolla si yamiu apa apan radoronganni yamiu, ne i yamiu sarun manengkamma udde.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

WATTI'U MANGA RASUL 8:15

Napawe i Petrus wuṛṛu i Yohanes na'omate, i mangitou inumal᷊iomannu manga taumatan Samaria udde tadea'u i mangitou maasomba Ghaṛṛahon Ruata,

WATTI'U MANGA RASUL 1:14

sarangkanambone sidutu ringannu naungnga uasampinunutanna uaammulla u'al᷊iomanna. I mangitou lai u'al᷊iomanna suadio'a ringannu manga wawine nasutta i Maria inangngu Mawu Yesus, wuṛṛu manga tuṛṛangngu Mawu Yesus.

1 KORINTUS 14:12

Su ola'i yamiu sassane, i ya'u masingkata manungku i yamiu maapulu atonna-tonna maasomba al᷊amatta wuassu Ghaṛṛahon Duata. Arawe lembon apianne, ṛinone i yamiu madea'a mappaattu apandenu mantul᷊ungngu jamaatta ana see aatambanna apiane.

1 KORINTUS 14:14

Ana waugu amungkangngu i ya'u umal᷊iomanna ringannu sasinaukka apan maaṛṛindu'a, ghaṛṛaho'u atonna u'al᷊iomanna, arawe ṛingiṛṛangku tawe mammanara.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.