1 KORINTUS 14:12 - WUKE SUSI WATTI'U AL᷊AL᷊USASSA

¹² Su ola'i yamiu sassane, i ya'u masingkata manungku i yamiu maapulu atonna-tonna maasomba al᷊amatta wuassu Ghaṛṛahon Duata. Arawe lembon apianne, ṛinone i yamiu madea'a mappaattu apandenu mantul᷊ungngu jamaatta ana see aatambanna apiane.

1 KORINTUS 14:12 Referans Kwoze

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 KORINTUS 14:1

Ṛinone i yamiu madea'a suapan botongnge mandangngu manga taumata waine. Wuṛṛu padea'a lai manengkamma manga al᷊amatta apan ionggolu Ghaṛṛahon Ruata, lembonete lai apande ipamasingkatu apulun Duata su taumata.

1 KORINTUS 12:31

Ana waugu udde, ṛinone i yamiu mammanara atonna-tonna ana see maasomba al᷊amatta apan lembon apianne. Arawe manansunna indi ya'u mangaṛṛa'a si yamiu lal᷊anna apan apianne.

1 KORINTUS 12:7

Su apapian kite sarangkanambone, Ghaṛṛahon Duata mammanara su taumata sambau-sambau.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 KORINTUS 14:5

Lembon apianne amungkangngu i yamiu sarangkanambone wotongnge mabbisara ringannu alawo'u sasinaukka apan maaṛṛindu'a. Arawe lembon apianne eteudde amungkangngu i yamiu wotongnge mabbatti'u manga apulun Duata. Ana waugu taumata apan mabbatti'u watti'a wuassu Ruata, maggewal᷊anna wuassu taumata apan mabbisara ringannu al᷊awo'u sasinaukka apan maaṛṛindu'a; waine lai olangnge amungkangngu taumata apan mabbisara sulal᷊ummu al᷊awo'u sasinaukka apan maaṛṛindu'a udde wotongnge manal᷊a'a apa apan iwabbisarane udde, tadea'u anambon jamaatta maasomba hessine, ara'e wuane.

1 KORINTUS 14:13

Ana waugu udde taumata apan mabbisara sulal᷊ummu sasinaukka apan maaṛṛindu'a, ṛinone madorongnga wuassu Ruata tadea'u i tou onggol᷊annu lai apande ipannal᷊a'a apa apan iwabbisarane udde.