1 KORINTUS 14:1 - WUKE SUSI WATTI'U AL᷊AL᷊USASSA

¹ Ṛinone i yamiu madea'a suapan botongnge mandangngu manga taumata waine. Wuṛṛu padea'a lai manengkamma manga al᷊amatta apan ionggolu Ghaṛṛahon Ruata, lembonete lai apande ipamasingkatu apulun Duata su taumata.

1 KORINTUS 14:1 Referans Kwoze

1 KORINTUS 14:39

Ana waugu udde, manga tuṛṛangnga, pattinsahadde mammasingkatu watti'u Ruata, arawe arie paningaddu taumata apan maapulu mabbisara sulal᷊ummu al᷊awo'u sasinaukka apan maaṛṛindu'a.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

1 KORINTUS 16:14

Sarangkanambone apan a'olaanni yamiu, olaawe ringannu darangngu.

1 KORINTUS 12:1

Orassa indi su ola'u manga al᷊amatta apan nionggolu Ghaṛṛahon Duata. Su olangnge udde, i ya'u maapulu i yamiu maasingkata apa apan su ṛinone.

1 KORINTUS 13:13

Nariaddi, su orassa indi pia tatallu inolaanna apan sidutu a'olaanni ite: pangangimanna, pangangantimma wuṛṛu uararangngu. Ahunanne wuassu tatallu udde eteudde mandangngu taumata waine.

1 TESALONIKA 5:20

Arie mangaddio'a manga watti'a apan nionggolu Ghaṛṛahon Duata.

AMSAL 15:9

Mawu maddantinnu ola'u wiakku taumata marosa, arawe i Tou u'akkannu taumata apan mattinsahadda tuttuṛṛutta apulu-Ne.

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

1 KORINTUS 14:37

Amungkangngu pia taumata uatahuanna al᷊amatta ipammasingkatu watti'u Ruata, ara'e i tou pia al᷊amatta waine wuassu Ghaṛṛahon Duata, taumata udde ṛinone manutukka manungku apa apan ta'u niwoṛṛetta indi eteudde darolokka wuassu Mawu.

YESAYA 51:1

Mawu nabbisara, “Paddaringikke si Ya'u, ei i yamiu apan mappulu iapasal᷊amatta wuṛṛu rantate ringang-Ku paddorongnga aontolla. Naungete wowone watu wuassuapa i yamiu nipaangnga, wuṛṛu ma'al᷊i watu wuassuapa i yamiu nial᷊i.

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

1 KORINTUS 12:31

Ana waugu udde, ṛinone i yamiu mammanara atonna-tonna ana see maasomba al᷊amatta apan lembon apianne. Arawe manansunna indi ya'u mangaṛṛa'a si yamiu lal᷊anna apan apianne.

AMSAL 21:21

Isai mattinsahadda tadea'u atatul᷊idda wuṛṛu darangngu iapaamatta, sarun maasomba lal᷊umanna'a, aaddatta wuṛṛu uukka mal᷊o'engnga.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

2 PETRUS 1:7

Wuṛṛu mabbiakka tuttuṛṛutta su apulun Duata ṛinone lai suungannu darangngu su manga tuṛṛangnga apan su pangangimanna sambau. Wua'udde ṛinone lai darangngunu su manga tuṛṛangnga pangangimanna sambau suungannu darangngu su anambon taumata.

ROMA 12:6

I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

ROMA 9:30

Nariaddi, audusanne iwisara arendi: Manga walahanna waine apan wal᷊ine Yahudi tawe madea'a tadea'u paa'aukki mangitou ringannu Ruata maola'a apia. Arawe ana waugu i mangitou mangngimanna, ne Ruata na'ola'a paa'aukki mangitou ringanni Tou naola'a apia.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

1 SAMUEL 10:5

Wua'udde i'o ṛinone inai watukku wuiddu Ruata su Gibea, tampa paddasanannu taumatan Filistin. Su ngara suttanna su soa, i'o sarun massomban sangkammul᷊annu nabi apan sinumossokke wuassu wuidda pangangonggol᷊annu sasamba. I mangitou massal᷊aingnga wuṛṛu mangngintul᷊i, mannalangnga gambus, rebana, wansi wuṛṛu kecapi.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 KORINTUS 14:22

Nariaddi al᷊amatta ipabbisara ringannu al᷊awo'u sasinaukka apan maaṛṛindu'a eteudde maola'a tatiala su taumata apan tawe mangngimanna, wal᷊ine su taumata apan mangngimanna. Wuṛṛu al᷊amatta ipammasingkatu pandumannu Ruata su taumata eteudde tatiala su taumata apan mangngimanna, wal᷊ine su taumata apan tawe mangngimanna.