1 KORINTUS 13:8 - WUKE SUSI WATTI'U AL᷊AL᷊USASSA

⁸ Tawe tempone, manungku taumata udde tawe maddarangngu. Orassa indi pia taumata apan masingkata mabbatti'u Watti'a wuassu Ruata, arawe i tou sarun mangillol᷊o mabbatti'u watti'a udde. Orassa indi piaddu masingkata mabbisara sulal᷊ummu al᷊awo'u sasinaukka apan maaṛṛindu'a, arawe i tou sarun mangillol᷊o mabbisara sulal᷊ummu manga sasisaukka udde. Orassa indi pia taumata apan masingkatu anambon inolaanna, arawe sal᷊immurine apa apan aasingkatanni mangitou udde sarun abbul᷊iananna.

1 KORINTUS 13:8 Referans Kwoze

1 KORINTUS 13:13

Nariaddi, su orassa indi pia tatallu inolaanna apan sidutu a'olaanni ite: pangangimanna, pangangantimma wuṛṛu uararangngu. Ahunanne wuassu tatallu udde eteudde mandangngu taumata waine.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

IBRANI 8:13

Ringannu napaasingkattu sambau pa'aire wakku, Ruata na'ola'a pa'aire apan paarorone udde natabbete wuṛṛu nal᷊al᷊eote, wuṛṛu apa apan tabbete sarun mal᷊ihakke mawul᷊i.

1 KORINTUS 13:10

Sal᷊immurine sarun a'omanna tempone Ruata ma'ola'a sarangkanambone nasuungnga, wuṛṛu apan tawe nasuungnga udde sarun mawul᷊i.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

WATTI'U MANGA RASUL 19:6

Wuṛṛu su tempo i Paulus nangadon lima si mangitou, Ghaṛṛahon Ruata nangintaṛṛo si mangitou, see i mangitou mannattakke uahahatto sulal᷊ummu al᷊awo'u wisara apan maatiangnga lapiddu mammasingkattu watti'u Ruata.

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

1 KORINTUS 14:39

Ana waugu udde, manga tuṛṛangnga, pattinsahadde mammasingkatu watti'u Ruata, arawe arie paningaddu taumata apan maapulu mabbisara sulal᷊ummu al᷊awo'u sasinaukka apan maaṛṛindu'a.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

1 KORINTUS 8:2

Taumata apan massunna manungku i tou masingkattu sarangkanambone, su ṛinone i tou taambe naasingkata sara al᷊al᷊umanne.