1 KORINTUS 13:6 - WUKE SUSI WATTI'U AL᷊AL᷊USASSA

⁶ Taumata apan marangngu manga taumata waine, maddirin kal᷊al᷊eo, i tou tumba'u mal᷊uassa su apapia.

1 KORINTUS 13:6 Referans Kwoze

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

2 YOHANES 1:4

I ya'u lembon lulluassa napawe naasingkatta manungku pia al᷊aṛṛana'u Inangnga apan mabbiakka tuttuṛṛuta al᷊aṛṛa'u Ruata, ere lai suete nirolokku Ruata Iamangnga si ite.

ROMA 1:32

I mangitou masingkata manungku tumuṛṛuttu titan Duata, taumata apan ma'ola'a sarangkanambone udde ṛinone iṛṛuumanna pateanna. Salaiwe aroddi, i mangitou ta'e lai ma'ola'a inolaanna udde; wuṛṛu ewe'e inumire lai amungkangngu taumata waine ma'ola'a udde.

2 TESALONIKA 2:12

Sombange, anambon taumata apan maapulun dosa wuṛṛu tawe mangngimanna apa apan su ṛinone udde sarun iṛṛuumanna.

HOSEA 4:8

I yamiu nabbal᷊i ala ana waugu rosan uma-U, ana waugu udde i yamiu mappulu tadea'u i mangitou sidutu ma'ola'a rosa.

AMSAL 14:9

Taumata woddo tawe pandumme tanne rosane ampunganna ara'e tawe, taumata mapia maapulu rosane ampunganna.

MIKHA 7:8

Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

FILIPI 3:18

I ya'u masokkate mamasingkata si yamiu, wuṛṛu orassa indi ta'u isul᷊e apia ringannu lulluai, manungku pia manambo taumata apan mabbiakka mangngal᷊iwun atappasannu papaten Kristus su alu arussa.

FILIPI 1:18

Arawe tawe apane! Ana waugu salaiwe ereapa, mawae udde a'olaanna ringannu pandumma apan mapia ara'e ringannu pandumma apan nassal᷊a, ne Kristus mangke iwabbatti'a lai; nariaddi ya'u lulluassa. Wuṛṛu i ya'u sidutu uapendamma aroddi,

FILIPI 1:4

Wuṛṛu suapan i ya'u umal᷊iomanni yamiu sarangkanambone, i ya'u u'al᷊iomanna ringannu naungnga mal᷊uassa.

LUKAS 22:5

I mangitou mangke lulluassa wuṛṛu naddiandi mangonggolu roitta si tou.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

SASABANGNGA 18:9

Naaringikka sarangkanambone udde, i Yitro mangke lulluassa,

HOSEA 7:3

Mawu nabbisara, “Ringanu wawahia wuṛṛu inolaana apan dal᷊eo tumanangnge mattinsahadda malluassa naungngu ratu wuṛṛu manga temboanannu araratuanna.

MATIUS 18:13

Wuṛṛu amungkangngu i tou naasombate apia domba udde – pangimanna si Ya'u – i tou sarun lembon lulluassa ana waugu domba sambau wuassu siom pul᷊o sio waine apan tawe nawul᷊i.