1 KORINTUS 13:5 - WUKE SUSI WATTI'U AL᷊AL᷊USASSA

⁵ I tou taumata tawe mamarabunga, taumata tawe maṛṛagissa, i tou tawe mamata'u taumata waine tumuṛṛutta apulune sassane, tawe lai mal᷊ihakka umal᷊udda, wuṛṛu tawe mangune.

1 KORINTUS 13:5 Referans Kwoze

1 KORINTUS 10:24

Arie pia sangkatou taumata maddea'a asasuungngu ririne sassane. Suapan taumata sarun maddea'a hausannu taumata waine.

YAKOBUS 1:19

Panutukke indi paapia-pia, manga tuṛṛangnga apan arangnguanna! Suapan taumata ṛinone mal᷊ihakka maddaringikka, arawe mal᷊iwue mabbisara wuṛṛu mal᷊annu masa'u.

FILIPI 2:21

Sarangkanambone apan waine tumba'u maṛṛingiddu watanganne sassane, wal᷊ine hunan Yesus Kristus.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

1 KORINTUS 12:25

Ringannu aroddi wadangnga udde tawe natahia; sambau sambau wageangnga, mangngarega wageangnge waine.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

1 KORINTUS 10:33

Pabbiakke ere i ya'u. I ya'u maddea'a mapaal᷊uassu naungngu anambon taumata wuassu al᷊awo'u inolaanna, ringannu tawe pandumanne mapaal᷊uassu riri'u sassane. Tudda'u eteudde tumba'u tadea'u i mangitou sarangkanambone wotongnge masal᷊amatta.

1 KORINTUS 11:18

Paarorone i ya'u naaringikka, manungku sulal᷊ummu ammul᷊anni yamiu pia manga ammul᷊anna apan uatatiakka. Wuṛṛu i ya'u maṛṛangngo manungku mannamboanna watti'a udde atonna.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

LUKAS 7:39

Napawe taumatan Farisi apan nangahe Mawu Yesus naasilo olangnge udde, i tou nabbisara sulal᷊ummu naungnga, “Iraṛṛangngo taumata indi sangkatou nabi, i Tou masingkatta isai wawine apan nangindingnga si Tou, wuṛṛu manungku wawine udde mabbiakka sulal᷊ummu paddarosa!”

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

2 TESALONIKA 3:7

I yamiu sassane masingkata manungku i yamiu sarun mattanno tul᷊addan kami. Yami tawe su awawolo'a su tempo i yami uatana'a ringanni yamiu.

1 KORINTUS 7:36

Amungkangngu sangkatou mamendama tawe mapaamattu apa apan su ṛinone su saruannu tunangane, amungkangngu i tou tawe maaṛṛadannu apulun dunia, wuṛṛu i tou mammendama maapulute maawingngu maṛṛuala udde, wala'e i tou ma'ola'a apa apan pappendamanne mapia. I tou tawe marosa, amungkangngu itarua maawingnga.

MATIUS 9:4

Mawu Yesus masingkattu ṛingiṛṛanni mangitou, ne i Tou nabbisarate, “Anio ṛingiṛṛannu aral᷊eone aroddi?

YESAYA 3:5

Manga taumata sarun mapapangallangnga. Dario'a tate maddaringikka timmadde wuṛṛu taumata wiasa tate mandeengngu taumata pia pangkanne.

2 SAMUEL 10:3

Napawe i mangitou na'omate su Amon, manga piaṛṛa'u wanua udde nabbisara si Ratu Hanun, “Arie i Tuangnga maṛṛingidda manungku i Daud nandolokku daroloṛṛanna udde ana waugu i tou maapulu mangaddatta iamangngi Tuangnga! I tou nandolokku manga taumata udde inawarendi naola'a matataṛṛaso'o iapaparikissa soa indi, tadea'u i mangitou wotongnge maapangaṛṛo soa indi.”

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

AMSAL 14:17

Taumata apan taṛṛa rona ma'ola'a awawoddo; taumata pande masabbare.

AYUB 21:27

Atonna i ya'u masingkatu ṛingiddi yamiu wuṛṛu al᷊awo'u al᷊al᷊eo apan lakkiinni yamiu.

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

2 TIMOTIUS 4:16

Su tempo i ya'u paarorone sinumimbakka, tawe saran sangkatou apan uaringanna si ya'u; sarangkanambone nanantangku. Doronganna Ruata tawe mapaasal᷊an mangitou su olangnge indi!

REENGANNA 32:6

Sasimbakki Musa, “Ṛatadde i yamiu mappulu matana'a isindi, arawe manga taumata sambalahannu inai mapapangalo?