1 KORINTUS 13:2 - WUKE SUSI WATTI'U AL᷊AL᷊USASSA

² Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 KORINTUS 13:2 Referans Kwoze

1 YOHANES 4:8

Taumata apan tawe umakkana, tawe maailal᷊a Ruata; ana waugu Ruata udde maakkana.

1 KORINTUS 13:3

Salaiwe anambon darotongku, ta'u ionggola su taumata asiangnga, wuṛṛu i ya'u manantillu wadangku tutunganna, arawe i ya'u tawe mandangngu taumata waine, ne sarangkanambone udde tawe gunane saran kadio'a.

MATIUS 17:20

Mawu Yesus sinumimbakka, “Ana waugu pangangimanni yamiu lome. Naunge! Amungkangngu i yamiu pia pangangimanna ere ahewallu watun sawi, i yamiu wotongnge mabbisara wuidda indi, ‘Pangingkatta poiaroddi!’ Ne atonna tonna wawone udde sarun ma'ingkatta. Tawe saran sambau manara apan tawe ia'ola'i yamiu! [

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

MATIUS 21:21

“Atonna,” sasimbakku Mawu Yesus, “amungkangngu i yamiu mangngimanna wuṛṛu tawe humago'a, i yamiu maaola'a apa apan suete niola-U su alu ara indi, wuṛṛu tawe tumba'u udde sassane, ewe'e lai yamiu maawisara lai su wuidda indi, ‘Awengkette wuṛṛu awontolle sulal᷊ummu tahal᷊oangnga’: ne olangnge udde sarun mariaddi.

EFESUS 3:4

wuṛṛu amungkangu i yamiu mabbasa, i yamiu sarun maasunna addapingi Kristus ere lai ya'u maasunna.)

1 KORINTUS 13:1

Salaiwe i ya'u wotongnge mabbisara ringannu al᷊awo'u wisaran taumata, wuṛṛu wisara mala'ekatta, arawe i ya'u tawe mandangngu taumata waine, ne manga wisara'u udde tumba'u tingikka apan matelengnga arawe tawe mangal᷊ene.

GALATIA 5:16

Pandumangku arendi: Wala'e Ghaṛṛahon Duata mangehetta si yamiu wuṛṛu ariewe mabbiakka tumuṛṛutta apulun pallal᷊agun taumata.

KOLOSE 1:26

eteudde watti'a ro'en al᷊amonane apan sidutu iaadappingu Ruata su anambon taumata, arawe orassa indi niapaal᷊iatta'a su al᷊aṛṛanang-Nge.

GALATIA 6:3

Amungkangu sangkatou massunna watanganne mappianna, wutte'e tawe, taumata udde nangawusu watanganne sassane.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

1 KORINTUS 7:19

Ana waugu tuttuṛṛutta titan sunatta ara'e tawe tumuṛṛutta, sarangkanambone tawe gunane. Ahunanne tumba'u tumuṛṛutta manga titan Duata.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

MATIUS 21:19

I Tou naasilo sangkalu alu ara su winggin dal᷊anna. I Tou inaite su al᷊ungngu alu udde, arawe tawe naasomba wuane saran sambau, tumba'u rongngane sassane. See Mawu Yesus nabbisarate alu udde, “I'o sarun tate mabbua!” alu ara udde lapiddu tinumolangnga.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

2 KORINTUS 12:11

Atonna i ya'u buatte nattanno ere taumata woddo – arawe ete i yamiu na'ola'a si ya'u aroddi. Ṛinone ete i yamiu maddalo si ya'u. Ana waugu salaiwe i ya'u tawe aregane saran kadio'a, i ya'u mangke ere “manga rasul” apan wahewalla udde!

1 KORINTUS 14:39

Ana waugu udde, manga tuṛṛangnga, pattinsahadde mammasingkatu watti'u Ruata, arawe arie paningaddu taumata apan maapulu mabbisara sulal᷊ummu al᷊awo'u sasinaukka apan maaṛṛindu'a.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

ROMA 15:14

Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

1 KORINTUS 11:4

Amungkangngu sangkatou esakka su tempo umal᷊iomanna ara'e su tempo mapaasingkatu watti'a wuassu Ruata su saruannu awadaalla, uapaattu tatindunga su pua, ne taumata udde mangngal᷊uandaga Kristus.

1 KORINTUS 13:8

Tawe tempone, manungku taumata udde tawe maddarangngu. Orassa indi pia taumata apan masingkata mabbatti'u Watti'a wuassu Ruata, arawe i tou sarun mangillol᷊o mabbatti'u watti'a udde. Orassa indi piaddu masingkata mabbisara sulal᷊ummu al᷊awo'u sasinaukka apan maaṛṛindu'a, arawe i tou sarun mangillol᷊o mabbisara sulal᷊ummu manga sasisaukka udde. Orassa indi pia taumata apan masingkatu anambon inolaanna, arawe sal᷊immurine apa apan aasingkatanni mangitou udde sarun abbul᷊iananna.

1 KORINTUS 14:4

Taumata apan mabbisara sulal᷊ummu sasinaukka apan maaṛṛindu'a tumba'u mannohassa ririne sassane, arawe taumata apan mammasingkatu watti'a wuassu Ruata, mantul᷊ungngu jamaatta maola'a mapia.

1 KORINTUS 14:29

Darua ara'e sire tallu apan uatahuanna watti'a wuassu Ruata ṛinone mamasingkattu watti'a udde tantal᷊anna waine maṛṛingiddu apa apan iwabbisara udde.

1 KORINTUS 15:51

Paatutuṛṛe addapingnga indi: Tawe sarangkanambone i ite sarun mate, arawe i ite sarangkanambone sarun wal᷊uanna.