1 KORINTUS 13:12 - WUKE SUSI WATTI'U AL᷊AL᷊USASSA

¹² Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

1 KORINTUS 13:12 Referans Kwoze

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

FILIPI 3:12

I ya'u tawe mabbisara manungku i ya'u naasombate auntunganna, ara'e nasuungke. Arawe i ya'u sidutu maddea'a maapangaṛṛo aonggola apan suete nissaddian Kristus Yesus. Ana waugu udde i Tou suete nangaṛṛo si ya'u, wuṛṛu niola'a pussa'a-Ne.

SONDAPPA 22:4

wuṛṛu ma'ellega hati-Ne. Aran-Ne sarun iwoṛṛeta su pakkani mangitou.

YAKOBUS 1:23

Taumata apan maddaringikka wisaran Duata, arawe tawe tumuṛṛutta, udde ere taumata apan tantal᷊anna ma'ellega hatine apan atonna su saruannu saṛṛuminanna.

2 KORINTUS 5:7

Ana waugu i yami mabbiakka pinangiananne wuassu mangngimanna si Kristus, wal᷊ine pinangiananne wuassu apa apan aasiloanna,

MATIUS 5:8

Lal᷊umanna'a su taumata apan naungnge waresi; i mangitou sarun maaillal᷊a Ruata.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

ROMA 8:18

Anambon asasusa apan aapendamanni ite orassa indi, tumuṛṛuttu addapa'u, tawe iasul᷊ungnga saran kadio'a ringannu awawantuga apan sarun iapaal᷊iatta'a si ite.

REENGANNA 12:8

Wuṛṛu i Ya'u uahahatton tou ringannu uahahati, ringannu matualaga wuṛṛu tawe ringannu ao'o. Ewe'e hati'-U buatte! Anio iraddua waṛṛani lumawangnga si Musa, allang-Ku udde?”

PANDARIADDI 32:30

Wua'udde i Yakub nabbisara, “I ya'u buatte nassomba uahahati ringannu Ruata, wuṛṛu i ya'u ta'e wiakka.” Ana waugu udde tampa udde nissagon tou Pniel.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

SASABANGNGA 33:11

Mawu uahahatton Musa ringannu uahahati, naal᷊ihidda taumata uahahatton yawene. Wua'udde i Musa nabbelengke su paddasananna. Arawe i Yosua ana'i Nun, sangkatou umbasanna ual᷊al᷊ima si Musa, sidutu uatana'a sulal᷊ummu Rasanna udde.

YEHEZKIEL 17:2

apan i Ya'u, Mawu Apan Atanggaṛṛanne mamasingkatta si mangitou: Pia sambau manu'a asiaṛṛe apan wambul᷊une maṛṛansanga wuṛṛu papaidde mal᷊alakka see matohassa. I tou tinumalla'a su wowon Libanon, nanappo lal᷊uwo punnu alu cemara,

AYUB 19:26

Salaiwe manga pisi su baddangku nal᷊al᷊essa wuṛṛu nawawa'a, arawe su al᷊o'engngu i ya'u pia awa'a, i ya'u sidutu ua'ellega Ruata.

AYUB 36:26

Ruata lembon mawantuga, i ite tawe masaṛṛasidda si Tou ara'e lai mandeengngu anambon tonna-Ne.

1 KORINTUS 13:11

Su tempo i ya'u ta'e al᷊aṛṛana'a, i ya'u mabbisara ere wisaran dario'a, apendangku ere apendammu dario'a, wuṛṛu ṛingiṛṛangku ere ṛingiṛṛannu dario'a. Orassa indi ya'u timmaddete, pallal᷊agu'u ere pallal᷊agun dario'a, nirammete.