1 KORINTUS 12:31 - WUKE SUSI WATTI'U AL᷊AL᷊USASSA

³¹ Ana waugu udde, ṛinone i yamiu mammanara atonna-tonna ana see maasomba al᷊amatta apan lembon apianne. Arawe manansunna indi ya'u mangaṛṛa'a si yamiu lal᷊anna apan apianne.

1 KORINTUS 12:31 Referans Kwoze

1 KORINTUS 13:1

Salaiwe i ya'u wotongnge mabbisara ringannu al᷊awo'u wisaran taumata, wuṛṛu wisara mala'ekatta, arawe i ya'u tawe mandangngu taumata waine, ne manga wisara'u udde tumba'u tingikka apan matelengnga arawe tawe mangal᷊ene.

1 KORINTUS 14:39

Ana waugu udde, manga tuṛṛangnga, pattinsahadde mammasingkatu watti'u Ruata, arawe arie paningaddu taumata apan maapulu mabbisara sulal᷊ummu al᷊awo'u sasinaukka apan maaṛṛindu'a.

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

FILIPI 3:8

Wal᷊ine tumba'u manga inolaanna udde; arawe lai al᷊awo'u inolaanna apan sassunnangku ere manga inolaanna tumba'u maaruggi. Apan tatahuanangku orassa udde lembon maaregganne; eteudde maaillal᷊a si Kristus Yesus Mawu'u. Ana waugu Kristus, ne i ya'u suete namallosu manga al᷊awo'a. Aellehangku sarangkanambone udde ere sapadda, tadea'u i ya'u wotongnge maasomba si Kristus,

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

1 KORINTUS 14:1

Ṛinone i yamiu madea'a suapan botongnge mandangngu manga taumata waine. Wuṛṛu padea'a lai manengkamma manga al᷊amatta apan ionggolu Ghaṛṛahon Ruata, lembonete lai apande ipamasingkatu apulun Duata su taumata.