1 KORINTUS 12:11 - WUKE SUSI WATTI'U AL᷊AL᷊USASSA

¹¹ Sarangkanambone udde mammanarannu Ghaṛṛaho apan sambau udde lai; sangkatou-sangkatou nionggol᷊annu al᷊amatta uapapaṛṛala tumuṛṛuttu apulun Ghaṛṛaho udde sassane.

1 KORINTUS 12:11 Referans Kwoze

1 KORINTUS 12:4

Pia manambo hatin al᷊amatta wuassu Ghaṛṛahon Duata, arawe sarangkanambone nionggolu Ghaṛṛaho apan sambau.

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

2 KORINTUS 10:13

I yami tawe aroddi. Amungkangngu i yami mamarabunga, i yami tawe lumiu passaranne. I yami uatana'a sulal᷊ummu passarannu leta'a pammanaranna apan buatte tinantunnu Ruata si yami. Wuṛṛu i yamiu nasutta sulal᷊ummu wageangngu leta'a udde.

EFESUS 4:7

I ite sangkatou-sangkatou mannengkamma sambau aonggola tumuṛṛuttu apa apan nionggoli Kristus.

1 KORINTUS 12:6

Piaddu uapapaṛṛala lai su ola'u mammanara manara Mawu, arawe apan nangonggolu atatohassa ipammanara su al᷊awo'u taumata, eteudde Mawu tinggassa lai.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 KORINTUS 7:7

Ṛinone i ya'u lembo maapulu amungkangngu anambon taumata maola'a ere i ya'u. Arawe sangkatou-sangkatou buatte nanengkamma al᷊amatta apan uapapaṛṛala wuassu Ruata. Sangkatou pia al᷊amatta indi, waine lai pia al᷊amatta udde.

ROMA 12:6

I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

ROMA 9:18

Nariaddi Ruata mandangngu sangkatou, amungkangngu Ruata maapulu aroddi. Ruata mammalan sangkatou taumata mal᷊awangnga, amungkangngu Ruata maapulu aroddi lai.

YOHANES 5:21

Iamangnga udde mapaawangunnu taumata nate, wuṛṛu mangngonggolu wiakka tutune wuṛṛu mal᷊annu-l᷊annu; aroddi lai Ana'a mangngonggolu wiakka tawe panginsueanne su taumata apan maapulu onggol᷊annu wiakka.

YOHANES 3:27

I Yohanes sinumimbakka, “Taumata tawe maatahuanna al᷊awo'a amungkangngu tawe ionggolu Ruata si tou.

YOHANES 3:8

Anginna tuttiupa watukkuapa ipa'apul᷊une; i ite ma'aringikka tingikke, arawe i ite wagga wuassuapa rarantane wuṛṛu watukku apa amatanne. Aroddi lai taumata apan niasungkangngu Ghaṛṛahon Ruata.”

MATIUS 20:15

Anio i ya'u tawe wotongnge ma'ola'a apulu'u su rarotongku? Ara'e i'o mannaungnga lal᷊eo ana waugu i ya'u mandangngu?’ ”

MATIUS 11:26

Eteudde ma'al᷊uassa naungngu Iamangnga.”

DANIEL 4:35

Manga walahanna su runia tawe gunane. Ruata uataṛṛino mala'ekatta su surga wuṛṛu tumana'u runia. Tawe saran sangkatou apan maal᷊awangnga apulu-Ne, taweddu waṛṛani mamasingkattu apa apan niolang-Nge.”

1 KORINTUS 12:18

I ite naasilo manungku Ruata apan buatte nangaddon manga wageangnge udde su wadangnga. Sambau-sambau niaddon Duata su tampane tumuṛṛuttu apulu-Ne.