1 KORINTUS 12:10 - WUKE SUSI WATTI'U AL᷊AL᷊USASSA

¹⁰ Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

1 KORINTUS 12:10 Referans Kwoze

1 KORINTUS 14:39

Ana waugu udde, manga tuṛṛangnga, pattinsahadde mammasingkatu watti'u Ruata, arawe arie paningaddu taumata apan maapulu mabbisara sulal᷊ummu al᷊awo'u sasinaukka apan maaṛṛindu'a.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

MARKUS 16:17

Maola'a sambau tatiala manungku i mangitou mangngimanna, manga taumata udde sarun mallimbuakka ghaṛṛaho lal᷊eo ringannu arang-Ku; i mangitou sarun mabbisara sulal᷊ummu al᷊awo'u wisara apan taambe niasingkatanni mangitou.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

GALATIA 3:5

Ruata nangonggolu Ghaṛṛaho-Ne si yamiu wuṛṛu na'ola'a manga al᷊aṛṛindu'a su wallatti yamiu. Apa Ruata na'ola'a udde ana waugu i yamiu mappaamattu titan agama ara'e ana waugu i yamiu maddaringikka Watti'u Al᷊al᷊uassa udde wuṛṛu mangngimanna si Kristus?

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

1 TESALONIKA 5:20

Arie mangaddio'a manga watti'a apan nionggolu Ghaṛṛahon Duata.

1 KORINTUS 13:8

Tawe tempone, manungku taumata udde tawe maddarangngu. Orassa indi pia taumata apan masingkata mabbatti'u Watti'a wuassu Ruata, arawe i tou sarun mangillol᷊o mabbatti'u watti'a udde. Orassa indi piaddu masingkata mabbisara sulal᷊ummu al᷊awo'u sasinaukka apan maaṛṛindu'a, arawe i tou sarun mangillol᷊o mabbisara sulal᷊ummu manga sasisaukka udde. Orassa indi pia taumata apan masingkatu anambon inolaanna, arawe sal᷊immurine apa apan aasingkatanni mangitou udde sarun abbul᷊iananna.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

ROMA 12:6

I ite sambau-sambau pia asingkattu manara apan uapapaṛṛala. Manga al᷊amatta udde nionggolu Ruata si ite tumuṛṛuttu darangngu-Ne. Ana waugu udde i ite sarun mappaattu asingkatta udde. Taumata apan pia asingkatta mamasingkatu Watti'a wuassu Ruata rinone mabbatti'u watti'a wuassu Ruata udde, tumuṛṛuttu atatohassi tou sassane.

WATTI'U MANGA RASUL 19:6

Wuṛṛu su tempo i Paulus nangadon lima si mangitou, Ghaṛṛahon Ruata nangintaṛṛo si mangitou, see i mangitou mannattakke uahahatto sulal᷊ummu al᷊awo'u wisara apan maatiangnga lapiddu mammasingkattu watti'u Ruata.

WATTI'U MANGA RASUL 11:28

Su wallatti mangitou pia sangkatou aranne i Agabus. Wuassu piaṛṛa'u Ghaṛṛahon Ruata i tou nabbati'a manungku su ahewallu runia sarun mariaddi tempon al᷊aṛṛutumma apan bahewalla. (Wuṛṛu olangnge udde natipusse su tempo i Klaudius uaparenta.)

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

YOHANES 14:12

Mangke atonna wisara-U indi; Taumata apan mangngimanna si Ya'u, sarun tumuṛṛutta apa apan suete Ta'u niola'a, – ewe'e i tou sarun ma'ola'a lembon ahewal᷊anne lai – ana waugu i Ya'u inai ringannu Iamangnga.

LUKAS 24:49

Wuṛṛu i Ya'u sassane sarun mandolokka ringanni yamiu apa apan suete pina'iren Iamangnga. Arawe i yamiu ṛinone maṛṛado su soa indi ma'oman sara taṛṛino wuassu Ruata mannilla'uppa si yamiu.”

IBRANI 2:4

Su liuddu udde, Ruata mannohassa tatiala manga taumata udde ringannu na'ola'a al᷊awo'u hatin al᷊aṛṛindu'a wuṛṛu manga inolaanna apan bahewalla see lai nattahia manga aonggolu Ghaṛṛahon Ruata tumuṛṛuttu apulu-Ne sassane.

WATTI'U MANGA RASUL 11:27

Su tempo udde pia sire pira nabi nirumanta wuassu Yerusalem mabatukku Antiokhia.

1 KORINTUS 11:4

Amungkangngu sangkatou esakka su tempo umal᷊iomanna ara'e su tempo mapaasingkatu watti'a wuassu Ruata su saruannu awadaalla, uapaattu tatindunga su pua, ne taumata udde mangngal᷊uandaga Kristus.

1 KORINTUS 14:13

Ana waugu udde taumata apan mabbisara sulal᷊ummu sasinaukka apan maaṛṛindu'a, ṛinone madorongnga wuassu Ruata tadea'u i tou onggol᷊annu lai apande ipannal᷊a'a apa apan iwabbisarane udde.