1 KORINTUS 11:4 - WUKE SUSI WATTI'U AL᷊AL᷊USASSA

⁴ Amungkangngu sangkatou esakka su tempo umal᷊iomanna ara'e su tempo mapaasingkatu watti'a wuassu Ruata su saruannu awadaalla, uapaattu tatindunga su pua, ne taumata udde mangngal᷊uandaga Kristus.

1 KORINTUS 11:4 Referans Kwoze

2 SAMUEL 15:30

Wua'udde i Daud nalluatta sapatune. I tou suadio'a ringannu mallal᷊aṛenggenne sinumaate Wuiddu Zaitun lapiddu lulluai ringannu pua paporonganna tatialan massusa.

1 KORINTUS 12:28

Aroddi lai sulal᷊ummu jamaatta, Ruata buatte nangatokku tampan al᷊awo'u taumata: Paarorone manga rasul; aruane manga nabi, atallune manga huru, see i mangitou apan ma'ola'a al᷊aṛṛindu'a, wua'udde i mangitou apan nionggol᷊annu al᷊amatta mapaapian taumata waine, ara'e ma'ola'a mamamiaṛṛa'a, ara'e lai iapaawisara ringannu al᷊awo'u sasinaukka apan maaṛṛindu'a.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

1 KORINTUS 11:14

Wuassu asingkattu awadaalla, i yamiu buatte niaṛṛaanna manungku amungkangngu esakka utangnge mal᷊o'e, udde sambau apan tawe su ṛinone.

2 SAMUEL 19:4

Ratu nattimbuṛṛunna hatine wuṛṛu lulluai ringannu ma'ikkatta, “Oh ana'u! Ana'u Absalom! Absalom, ana'u!”

MIKHA 7:6

Ana waugu, sutempo ereindi lal᷊oṛṛon bal᷊e lai uasaseetta; ana'a esakka mallobbossa iamangnge, ana wawine lullawangnga inangngene, wuṛṛu manambo wawine uatatiakku la'iananne.

WATTI'U MANGA RASUL 13:1

Sulal᷊ummu jamaatta su Antiokhia pia manga nabi wuṛṛu manga huru eteudde i Barnabas, i Simeon apan isassago lai i Ma'itumma, i Lukius wuassu Kirene, Menahem apan niwuwunna suadio'a ringanni Herodes wuṛṛu Saulus.

1 KORINTUS 11:5

Wuṛṛu amungkangngu sangkatou wawine su tempo umal᷊iomanna ara'e su tempo mapaasingkatu watti'a wuassu Ruata su saruannu awadaalla, tawe uapaattu tatindungnga, ne wawine udde mangngadio'a awingnge apan uaparenta si tou. Udde nassul᷊ungngu ere puan wawine udde suete nilungguka.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 TESALONIKA 5:20

Arie mangaddio'a manga watti'a apan nionggolu Ghaṛṛahon Duata.