1 KORINTUS 11:32 - WUKE SUSI WATTI'U AL᷊AL᷊USASSA

³² Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

1 KORINTUS 11:32 Referans Kwoze

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

DARALO 118:18

Mawu buatte nanansara si ya'u ringannu lembone, arawe i Ya'u tawe tinantilli tou su papate.

TAHIUL᷊E 8:5

Naungete, manungku Mawu Ruatanu mannantiro si yamiu naal᷊ihidda iamangnga mannantiro anangnge.

1 KORINTUS 11:30

Ana waugu udde manambo wuassu wallatti yamiu apan marada'a wuṛṛu lome, wuṛṛu piaddu lai apan nate.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

2 SAMUEL 7:14

I Ya'u sarun maola'a iamangnge, wuṛṛu i tou sarun maola'a ana-U. Amungkangu i tou ma'ola'a pasasal᷊a, i tou sarun Ta'u iṛṛuumanna ere sangkatou iamangnga makkuumannu anangnge.

ROMA 5:16

Aonggolu Ruata lai lembon anamboanne wuassu rosan taumata sangkatou udde. Ana waugu napawe sangkatou taumata na'ola'a pasasal᷊a, sinumabbangke wisara laṛṛawessa, “Nassal᷊a”. Arawe napawe manambote taumata na'ola'a rosa, dirumantate aonggolu Ruata apan namasingkata manungku, “Tawe nassal᷊a”.

1 KORINTUS 1:20

Ne, apa hunane manga taumata pia asingkane udde? Apa hunane i mangitou pia si'ol᷊ane udde? Apa hunane maṛṛaṛṛingiddu runia indi? Ruata buatte napaal᷊iatta'a manungku apapanden runia indi mangke wahia wuṛṛu awusu atonna!

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 KORINTUS 11:31

Arawe amungkangngu i ite mamarikissa wadangngi ite rorone, i ite tawe iṛṛuumannu Ruata.

1 KORINTUS 11:33

Ana waugu udde, manga tuṛṛangku, amungkangngu i yamiu maammula see umanna su sal᷊iwangngu Mawu, i yamiu ṛinone ual᷊al᷊aṛṛado.

1 TIMOTIUS 1:20

Su wallatti mangitou eteudde Himeneus wuṛṛu Aleksander. Taumata darua udde suete ta'u niṛṛuumanna tinantilla su Setanna, tadea'u i mangitou mangillol᷊o mallobosa Ruata.