1 KORINTUS 11:2 - WUKE SUSI WATTI'U AL᷊AL᷊USASSA

² I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.

1 KORINTUS 11:2 Referans Kwoze

2 TESALONIKA 2:15

Ana waugu udde, Manga tuṛṛangnga, darisikke paatohassa wuṛṛu pangagasse sidutu su manga al᷊aṛṛa'a apan suete nionggoli yami si yamiu, mawae udde uahahati ara'e lai su suratta.

1 KORINTUS 4:17

Ana waugu udde i ya'u buatte nandolokki Timotius ringanni yamiu. Sangkatou mallal᷊aṛṛenggenni Kristus, i tou naal᷊ihida ere ana'u sassane apan arangnguanna. I Tou ana'a apan wotongnge apangimananna. I Tou sarun mapaanaungnga si yamiu su ola'u lal᷊annu pabbiaṛṛanna apan a'olaangku, napawe i ya'u mangngimante si Kristus, eteudde lal᷊annu pabbiaṛṛanna apan iaaṛṛa'a su jamaatta su anambon tampa.

2 TESALONIKA 3:6

Manga tuṛṛangnga, wuassu taṛṛinon Mawu Yesus Kristus, i yami nandolokka tadea'u i yamiu mangindau manga tuṛṛanga, apan mabbiakka wolo'a, wuṛṛu maddiri tumuṛṛutta manga al᷊aṛṛa'a apan niapaasingkati yami si mangitou.

1 KORINTUS 15:2

Amungkangngu i yamiu uaagassa atonna su watti'a apan iwabbatti'u udde, ne Watti'u Al᷊al᷊uassa udde manal᷊amatta si yamiu; tabene'e amungkangngu i yamiu mangngimanna ringannu tawe pasasunna.

1 KORINTUS 11:22

Anio aroddi? Wal᷊inewe i'o pia bal᷊enu? I'o wotongnge umanna wuṛṛu ma'inumma isudde! Ara'e i'o maapulu mangal᷊uandaga jamaattu Ruata wuṛṛu mapaasilin taumata asiangnga? Apa ta'u iwisara si yamiu? Ṛinone i ya'u maddalo si yamiu? Tawe! Saran paassa tawe maddalo si yamiu.

1 KORINTUS 11:17

Su ola'u manansunna indi; ya'u tawe maddalo si yamiu. Pamamisan kamiu wal᷊ine mapaal᷊iatta'u apapia, ewe'e al᷊al᷊eo.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

1 TESALONIKA 3:6

Orassa indi Timotius nabelengke wuṛṛu suete nabbatti'a si yami watti'a maal᷊uassa su ola'u ereapa i yamiu mangngimanna si Kristus wuṛṛu uararangngu. I tou namasingkata si yami manungku i yamiu sidutu mangngadon pananaunganna mapia su ola'i yami sulal᷊ummu naungngu. Wuṛṛu i yamiu maapulu maisasomban kami, ere lai yami maapulu maisasomban kamiu.

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.