1 KORINTUS 11:19 - WUKE SUSI WATTI'U AL᷊AL᷊USASSA

¹⁹ Naṛṛinote amungkangu pia patatiakka su wallatti yamiu, tadea'u sarun asiloanna isai-sai taumatan Saṛṛani tutune.

1 KORINTUS 11:19 Referans Kwoze

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

TITUS 3:10

Taumata apan mandantan pattatiakka sulal᷊ummu jamaatta, ṛinone i tou tagguanna paassa ara'e paarua; wua'udde ariete lai maggawen tou.

WATTI'U MANGA RASUL 20:30

Ewe'e wuassu wallattu manga tuṛṛangnga sassane lai sarun lumapputa manga taumata apan sarun mabatti'u watti'a awusu. I mangitou ma'ola'a aroddi, tadea'u manga taumata apan nangngimante Mawu Yesus umal᷊iwu wuṛṛu tumantalongke si mangitou.

LUKAS 17:1

Mawu Yesus nabbisara manga mallal᷊aṛṛenggen-Ne, “Manga inolaanna apan ma'arosa taumata udde ṛinone pia. Arawe nasilakate taumata apan naola'a punnene!

TAHIUL᷊E 13:3

imbaṛṛangnga ma'ellega si tou. Mawu Ruatanu nappaattu taumata udde ipamono'a si yamiu, ipa'ellega tanne i yamiu atonna-tonna mandangngu Mawu ringannu ahewallu naungngu ara'e tawe.

MATIUS 18:7

Silakawe eteapa runia indi ana waugu manga pallal᷊agu apan ma'arosa taumata. Atonna manga inolaanna ereudde ṛinone pia, arawe nasilakate taumata apan pallal᷊agune maarosa taumata waine!

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

WATTI'U MANGA RASUL 28:22

Arawe i yami ma'apulu lai madaringikka watti'u pangangimannu, ana waugu i yami sarangkanambone suete naaringikka taumata manggal᷊usa'a al᷊aṛṛa'a apan pangngimanannu udde.”

WATTI'U MANGA RASUL 26:5

Mal᷊annute i mangitou masingka'u. Wuṛṛu i mangitou maapulu, i mangitou wotongnge mabatti'a manungku ro'en paarorone i ya'u mabbiakka ere sangkatou taumatam Farisi ringannu tuttuṛṛutta al᷊awo'u atoranna apan tawe al᷊iuanna sulal᷊ummu agamang kami.

WATTI'U MANGA RASUL 24:14

Atonna ṛinone i ya'u manga'u si Tuangnga manungku i ya'u massubba Ruatan iupungngu al᷊amonang kami tumuṛṛuttu al᷊aṛṛa'u Mawu Yesus apan sassunnanni mangitou nassal᷊a. Arawe i ya'u ta'e mangngimanna sarangkanambone apan uawoṛṛetta sulal᷊ummu Wuke Musa wuṛṛu Wuke Manga Nabi.

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.

WATTI'U MANGA RASUL 15:5

Arawe sire pira wuassu wageangngu Farisi apan suete nangngimanna, dirumarisikka wuṛṛu nabbisara, “Manga taumata walahanna waine apan nangngimante udde ṛinone sunatanna wuṛṛu ṛinone tumuṛṛutta Tita Musa.”

WATTI'U MANGA RASUL 5:17

Panginsueanne imam wahewa wuṛṛu anambo mallal᷊aṛṛenggenne, eteudde wageangngu manga taumatan Saduki mannattake lullawangnga ana waugu i mangitou pia naungnga lal᷊eo.

LUKAS 2:35

wuṛṛu ringannu aroddi inasingkatante lal᷊oṛṛo naungngi mangitou. Asasusa sarun mangusu'a naungngu ere hal᷊ele maṛṛoro.”

1 KORINTUS 11:20

Arawe su tempo i yamiu maammula, apa niola'i yamiu udde wal᷊inewe andeangngu Mawu.

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.