1 KORINTUS 11:16 - WUKE SUSI WATTI'U AL᷊AL᷊USASSA

¹⁶ Aroddi amungkangngu piaddu maapulu matatiakka su ola'u hatto indi, tumba'u sambau ta'u iwal᷊o eteudde manungku mawae i ite ara'e manga jamaattu Ruata waine, sarangkanambone tumba'u pia sambau inanaramanna udde sulal᷊ummu jamaatta, waine wua isudde tawe wotongnge.

1 KORINTUS 11:16 Referans Kwoze

1 KORINTUS 7:17

Ṛinone sangkatou-sangkatou mangngatokku pabbawiakke tumuṛṛuttu aehettu Mawu ere buatte tinantunnu Ruata si tou su tempo Ruata namaggo si tou see mangngimanna si Tou. Eteudde tita apan ta'u iaaṛṛa'a su al᷊awo'u jamaatta.

1 TESALONIKA 2:14

Manga tuṛṛangnga, asasusa apan niapendamanni yamiu, suete niapendamannu manga jamaattu Ruata su Yudea apan naola'a pussa'an Kristus Yesus. I yamiu naapendamma asasusa wuassu walahanni yamiu sassane, ere lai niapendamannu manga jamaattu Ruata su Yudea udde wuassu wageangngu manga taumatan Yahudi.

WATTI'U MANGA RASUL 21:24

Ne ṛinone tuṛṛangnga inai mallaghu pangangukkassa wadangnga su adio'a ringanni mangitou wuṛṛu waeṛṛete sasannane tadea'u i mangitou wotongngete lungguṛṛanna. Ringannu aroddi sarun lumiatta'a su anambon taumata manungku apa apan niaringiṛṛanni mangitou su ola'u tuṛṛangnga udde awusu, ana waugu tuṛṛangnga sassane lai mappaamattu Titan Musa.

WATTI'U MANGA RASUL 21:21

Wuṛṛu orassa indi i mangitou naaringikke manungku tuṛṛangnga mangngaṛṛa'a anambon taumatan Yahudi apan uatana'a su wallattu walahanna waine, tadea'u mamallossu Titan Musa. Tuṛṛangnga mannantiro si mangitou tadea'u i mangitou tawe mapassunattu al᷊aṛṛana'i mangitou, ara'e tumuṛṛutta inanaramannu Yahudi.

1 KORINTUS 16:1

Orassa indi su ola'u roitta apan ipassumbalan kamiu su sansul᷊ungngu taumatan Saṛṛani, ya'u mangaṛṛa'a tadea'u i yamiu ma'ola'a ere tatantiro apan ta'u nionggola su manga jamaatta su Galatia.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

1 KORINTUS 9:1

Wal᷊inewe i ya'u taumata uapallose? Wal᷊inewe ya'u sangkatou rasul? Apa i ya'u taambe naasilo Mawu Yesus, Mawun kite? Apa i yamiu wal᷊inewe ina'ul᷊en manara'u su Mawu?

1 KORINTUS 9:6

Ara'e tumba'u Barnabas wuṛṛu ya'u sassane iradolokka iaparea'a wiakka sassane?

1 KORINTUS 11:15

Arawe su wawine, uta'a nionggola si tou ipanaappa puane, wuṛṛu uta'a mal᷊o'e udde naola'a awawantuge.

YEREMIA 32:11

Wua'udde i ya'u nanganu surattu pamamalli udde apan piate segelle wuṛṛu wawoṛṛetannu manga atoranna see manga atantuanne. I ya'u lai nanganu suratta nial᷊inna apan tawe segellene,