1 KORINTUS 10:7 - WUKE SUSI WATTI'U AL᷊AL᷊USASSA

⁷ Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

1 KORINTUS 10:7 Referans Kwoze

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

1 KORINTUS 10:14

Ana waugu udde, manga tuṛṛangnga apan arangnguanna, ṛinone i yamiu maddantinu pasassubba paal᷊uanna.

TAHIUL᷊E 9:12

Ana see Mawu nabbisara si ya'u, ‘Sossoke paal᷊ihakka, ana walahannu apan Ta'u niapidda sinumabbangnga wuassu Mesir buatte na'ola'a al᷊al᷊eo. I mangitou buatte nanewadda wuassu manga parenta-U, wuṛṛu na'ola'a paal᷊uanna subbanni mangitou.’

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!

SASABANGNGA 32:19

Napawe i Musa maraniten paddasananna udde, i tou naasilo sapi wul᷊awanna wuṛṛu manga taumata tantal᷊anna massal᷊aingnga, ne i tou nasa'ute. Isudde lai, su wawal᷊annu wowone udde, i Musa namantingngu watu apan niapiddi tou na'oman sara naṛṛimunsa'a.

SASABANGNGA 32:17

Tantal᷊anna sussossoka, i Yosua naaringikka manga taumatan Israel uui, ana see i tou nabbisarate si Musa, “Pia pagahahio pangalo su paddasananna.”

SASABANGNGA 32:4

I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.