1 KORINTUS 10:28 - WUKE SUSI WATTI'U AL᷊AL᷊USASSA

²⁸ Arawe amungkangngu piaddu mabbisara si yamiu, “Anna indi suete pinasubba paal᷊uanna,” arie umanna anna udde, ana waugu mapaasuungngu apulun taumata udde wuṛṛu ana waugu tingikku naungnga.

1 KORINTUS 10:28 Referans Kwoze

1 KORINTUS 10:26

Ana waugu sulal᷊ummu Wuke Susi uawoṛṛetta, “Runia indi ringannu anambon lal᷊oṛṛone udde tatahuanannu.”

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

ROMA 14:15

Arawe amungkangngu ringannu apa apan aannanannu, sangkatou tuṛṛangnga su pangangimanna sambau niapaasusa naungnge, ne tuṛṛangnga tawe nappaamattu paddarame. Amungkangngu Kristus buatte nate ana waugu sangkatou taumata, arie mamalan taumata udde mal᷊al᷊eo ringannu apa iwabboonu.

DARALO 115:16

Langitta tumba'u pussa'an Mawu, arawe runia nionggolu Mawu su taumata.

DARALO 24:1

Daralon Daud. Ete Mawu uatahuanna runia wuṛṛu lal᷊oṛṛone, runia wuṛṛu sarangkamabone apan uatana'a.

TAHIUL᷊E 10:14

Mawu Ruatanu uatahuanna langitta atanggaṛṛanne; runia lai tatahuanan-Ne suadio'a ringannu lal᷊oṛṛone.

SASABANGNGA 9:29

Wisara i Musa su ratu, “Tawe mal᷊annu napawe i ya'u su liudden soa, i ya'u sarun mamatten lima umal᷊iomanna su Mawu. Rallu'a sarun umaddo wuṛṛu uranna masunge sarun mawaessa, tadea'u i Tuangku masingkatta manungku runia indi tatahuanannu Mawu.

1 KORINTUS 8:9

Arawe paatehamma, arie ma'oman sara mariaddi manungku taumata waine maola'a marosa – ana waugu pangangimanne ta'e lome – ana waugu i'o walate apulu ma'inolaanna sarangkanambone.