1 KORINTUS 10:25 - WUKE SUSI WATTI'U AL᷊AL᷊USASSA

²⁵ I yamiu wotongnge umanna al᷊awo'u apa apan iwabal᷊u'a su pasakku ṛemessa. Ariete panutukka asuene, salaiwe pia manga apendamma maddiri sulal᷊ummu naungngu.

1 KORINTUS 10:25 Referans Kwoze

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

1 TIMOTIUS 4:4

Al᷊awo'u sarannapa apan niola'u Ruata udde mapia, wuṛṛu tawe saran sambau lai apan sarun ipappalli amungkangu suete nisengkamma ringannu aadiangkamanna su Ruata.

TITUS 1:15

Sarangkanambone udde susi su manga taumata apan susi. Arawe su manga taumata apan ṛingiranne lal᷊eo wuṛṛu tawe pangangimanne, tawe sambau sarannapa apan susi, ana waugu ṛingiranne wuṛṛu lal᷊ummu naungngi mangitou nalal᷊eote!

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 13:5

Ana waugu udde ṛinone i'o matuṛṛutta tembonanne – wal᷊ine tumba'u ana waugu i'o maddiri iṛṛuumanna, arawe ana waugu ahewallu apulun naungngu.

WATTI'U MANGA RASUL 10:15

Arawe tingikka udde nabbisara apia si tou, “Apa apan suete niwalan Ruata wotongnge ipaattu taumata, imbaṛṛangnga iwal᷊onu palli.”