1 KORINTUS 10:23 - WUKE SUSI WATTI'U AL᷊AL᷊USASSA

²³ Unnu taumata, “I ite wotongnge ma'ola'a al᷊awo'u apa ipaapulun kite.” Atonna! Arawe tawe anambon apa ipaapulun kite udde pia gunane. “I ite wotongnge ma'ola'a walate naungngi ite” – arawe tawe sarangkanambone ipaapulun kite udde maatamba pabbiaṛṛani ite.

1 KORINTUS 10:23 Referans Kwoze

1 KORINTUS 6:12

Piaddu mabbisara manungku suapan taumata wotongnge ma'ola'a al᷊awo'u inolaanna. Arawe mawala si ya'u tawe sarangkanambone udde pia gunane. Nariaddi salaiwe i ya'u wotongnge ma'ola'a al᷊awo'u inolaanna, arawe i ya'u maddiri mapaawalan watangangku paparentannu al᷊awo'u inolaanna.

1 KORINTUS 8:9

Arawe paatehamma, arie ma'oman sara mariaddi manungku taumata waine maola'a marosa – ana waugu pangangimanne ta'e lome – ana waugu i'o walate apulu ma'inolaanna sarangkanambone.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

1 TESALONIKA 5:11

Ana waugu udde ṛinone i yamiu sidutu uasasasa wuṛṛu uatatohassa ere lai a'olaanni yamiu orassa indi.

ROMA 14:15

Arawe amungkangngu ringannu apa apan aannanannu, sangkatou tuṛṛangnga su pangangimanna sambau niapaasusa naungnge, ne tuṛṛangnga tawe nappaamattu paddarame. Amungkangngu Kristus buatte nate ana waugu sangkatou taumata, arie mamalan taumata udde mal᷊al᷊eo ringannu apa iwabboonu.

1 KORINTUS 14:17

Salaiwe aal᷊iomanna aadiangkamanna su Mawu udde lembon mapia, arawe aal᷊iomannu udde mangke tawe gunane saran kadio'a su taumata waine.

1 KORINTUS 14:26

Nariaddi, manga tuṛṛangnga, apa atappasanne sarangkanambone udde? Amungkangngu yamiu maammula massubba Mawu piaddu mangngantari, piaddu mangngaṛṛa'a, piaddu lai mammasingkatu pandumannu Ruata, piaddu mabbisara sulal᷊ummu sasinaukka apan maaṛṛindu'a, wuṛṛu piaddu mannal᷊a'a apa apan iwabbisara udde. Arawe sarangkanambone udde ṛinone olaanna ipangaṛṛa'a wuṛṛu ipangngapia sarangkanambone.

1 TIMOTIUS 1:4

Wal᷊oa'a si mangitou tadea'u ariete lai maddaringikka manga wa'e wuṛṛu manga watti'u arariaddiannu walahanna apan tawe panginsueanne. Sarangkanambone udde tumba'u mandantan pabbawawul᷊o, wuṛṛu tawe mappaamattu pandumannu Ruata apan tumba'u wotongnge aillal᷊anna sulal᷊ummu pangangimanna si Tou.

1 KORINTUS 14:12

Su ola'i yamiu sassane, i ya'u masingkata manungku i yamiu maapulu atonna-tonna maasomba al᷊amatta wuassu Ghaṛṛahon Duata. Arawe lembon apianne, ṛinone i yamiu madea'a mappaattu apandenu mantul᷊ungngu jamaatta ana see aatambanna apiane.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.