1 KORINTUS 10:14 - WUKE SUSI WATTI'U AL᷊AL᷊USASSA

¹⁴ Ana waugu udde, manga tuṛṛangnga apan arangnguanna, ṛinone i yamiu maddantinu pasassubba paal᷊uanna.

1 KORINTUS 10:14 Referans Kwoze

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

1 KORINTUS 10:7

Wuṛṛu tadea'u i ite lai tawe massubba paal᷊uanna ere lai a'olaannu sangkawageanganna wuassi mangitou. Sulal᷊ummu Wuke Susi uawoṛṛetta, “Ne walahanna udde mannattake u'anna wuṛṛu ma'inumma, wuṛṛu massal᷊aingnga ipassubba paal᷊uanna.”

2 KORINTUS 11:11

Anio i ya'u mabbisara aroddi? Apa ana waugu i ya'u tawe mandangngu si yamiu? Ruata masingkata manungku i ya'u marangngu!

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

FILIPI 4:1

Ana waugu udde, manga tuṛṛangku apan arangnguanna, aroddite ṛinone i yamiu mabbiakka ringannu atonna-tonna mangngimanna Mawu. Naungku maapulu maisasomban kamiu! Ete i yamiu ipaapulu'u apan maal᷊uassa naungku.

2 KORINTUS 12:15

Ana waugu udde ringannu naungnga mal᷊uassa i ya'u manantillu al᷊awo'u darotongku si yamiu, ewe'e wadangku sassane lai. Amungkangngu i ya'u aroddi arangngune si yamiu apa i yamiu tawe mandangngu si ya'u?

FILEMON 1:1

Tuṛṛanga Filemon, hawe wuṛṛu ringanni yami! I ya'u, Paulus, sangkatou taumatan ṛuumanna ana waugu Kristus Yesus, su sampunna ringannu tuṛṛangi ite Timotius, namoṛṛetu suratta indi si'o,

2 KORINTUS 12:19

Wotongnge mariaddi yamiu massunna, al᷊annunete indi yami tantal᷊anna mangngambangnga watanganni yami su saruanni yamiu? I yamiu nial᷊iwune atonna! Ruata masingkata manungku al᷊awo'u wisaran kami udde tumuṛṛuttu apulun Kristus. Wuṛṛu al᷊awo'u inolaanni yami udde niola'a ipannohassa pangangimanni yamiu.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

1 KORINTUS 5:11

Pandumangku eteudde, manungku i yamiu arie paggawen taumata apan mangnga'u watanganne taumatan Saṛṛani, arawe taumata udde masandaga, ara'e wal᷊iu, ara'e massubba paal᷊uanna, ara'e taṛṛa umbilangngu taumata waine, ara'e taṛṛa wu'anna, ara'e taṛṛa ta'o. Uma'ianna umanna ringannu taumata udde arie lai!

1 KORINTUS 10:15

I ya'u mabbisara si yamiu ere su manga taumata pande. Ṛinone i yamiu maṛṛingidda sassane wisara'u indi.

1 KORINTUS 10:19

Apa pandumangku su olangnge udde? Paal᷊uanna ara'e lai anna apan ipassubba paal᷊uanna udde tawe gunane saran kadio'a.

IBRANI 6:9

Arawe manga tuṛṛangnga apan arangnguanna, salaiwe i yami mabbisara aroddi, arawe i yami mangngimanna su ola'i yamiu. I yami mangngimanna manungku i yamiu suete nanengkamma manga inolaanna apan lembon mapia, eteudde manga al᷊amatta apan maola'a sambau wageangnga wuassu asasal᷊amannu.