1 KORINTUS 1:8 - WUKE SUSI WATTI'U AL᷊AL᷊USASSA

⁸ Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

1 KORINTUS 1:8 Referans Kwoze

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

FILIPI 1:6

Ruata sassane apan nanattakku manara apan mapia udde si yamiu, wuṛṛu i ya'u mangantimma i Tou sarun manassu manara udde ma'oman sara masue su allo Kristus Yesus rumanta apia.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

ROMA 14:4

Isai tuṛṛangnga, na'oman sara tuṛṛangnga mamarikissa allangngu taumata waine? Mawae ete allangnga udde nema'a ara'e dirumarisikka, udde singkaten mawune. Wuṛṛu atonna allangnga udde sarun dumarisikka matul᷊ida, ana waugu Mawu wotongnge mapararisikki tou matul᷊ida.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

2 KORINTUS 1:21

Ruata sassane apan na'ola'a si yami wuṛṛu si yamiu uaaukka su sambau ringanni Kristus ete i Tou lai sassane apan namile si ite hunane si Tou.

DARALO 37:17

Ana waugu taṛṛinon taumata lal᷊eo sarun paddiannu Mawu, arawe taumata mapia sidutu lal᷊uaran-Ne.

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

LUKAS 17:24

Su ereapa sawallo ma'ilatta wuassu langitta, wuṛṛu mannemakka wuassu pentakke saran pondolle, aroddi lai ola'u Ana'u Taumata napawe su allonete.

LUKAS 17:30

Aroddi lai olangnge su allon Ana'u Taumata iapaal᷊iatta'a.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

2 KORINTUS 1:13

Apan niwoṛṛetti yami udde si yamiu tumba'u su ola'u inolaanna apan wotongnge iawasa wuṛṛu asunnanni yamiu. Orassa indi yamiu tawe maasunna si yami ringannu atonna, arawe i ya'u mangngantimma i yamiu sarun atonna-tonna maasunna si yami. Ringannu aroddi, su tempo Mawu Yesus rumanta apia, i yamiu sarun lumuassi yami ere lai yami lulluassa ana waugu i yamiu.

KOLOSE 2:7

wuṛṛu maṛṛamutta su lal᷊ummi Tou. Ṛinone i yamiu mapararisikku wiakku ringanni Kristus maola'a rapappake. Ṛinone i yamiu lembon mangngimanna si Kristus, tuttuṛṛutta apa apan suete niaṛṛa'a si yamiu. Wuṛṛu ṛinone naungngi yamiu lulluassa ringannu wisara aadiangkamanna.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

2 TESALONIKA 2:2

Arie mal᷊iha-l᷊ihakka umal᷊ingu ara'e umambul᷊isada ana waugu watti'a manungku nia'omante allone Mawu Yesus rumanta apia. Asinungka watti'a udde darantane wuassu sambau watti'u nabi, ara'e wuassu sambau al᷊aṛṛa'a; ara'e wotongnge mariaddi piaddu nabbisara manungku i yami suete namoṛṛeta aroddi sulal᷊ummu sambau suratti yami.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.