1 KORINTUS 1:26 - WUKE SUSI WATTI'U AL᷊AL᷊USASSA

²⁶ Manga tuṛṛangnga! Naunge'o ereapa ola'i yamiu su tempo Ruata namaggo si yamiu. Tumba'u adio'a wuassu wallatti yamiu apan pande, ara'e pia taṛṛinone, ara'e pia manarane matanggakka tumuṛṛuttu aellegu taumata.

1 KORINTUS 1:26 Referans Kwoze

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 KORINTUS 2:8

Tawe saran sangkatou wuassu manga tembonannu tempo indi apan masingkatu apapande udde. Ana waugu amungkangngu i mangitou masingkate, i mangitou tawe nangarussa Mawu apan mawantuga udde.

1 KORINTUS 1:20

Ne, apa hunane manga taumata pia asingkane udde? Apa hunane i mangitou pia si'ol᷊ane udde? Apa hunane maṛṛaṛṛingiddu runia indi? Ruata buatte napaal᷊iatta'a manungku apapanden runia indi mangke wahia wuṛṛu awusu atonna!

LUKAS 10:21

Su tempo udde lai, Mawu Yesus lullala'a ana waugu niasuttannu Ghaṛṛahon Ruata. Mawu Yesus nabbisara, “Iamangnga, Mawu apan uatahuanna langitta wuṛṛu runia! I Ya'u ma'adiangkamanna Si'o ana waugu sarangkanambone udde niadappingngu su taumata nambo apan pande wuṛṛu pia asingkanne, arawe I'o napaal᷊iatta'a su manga taumata tawe si'ol᷊ane. Eteudde apan ma'al᷊uassa naungngu Iamangnga.

LUKAS 1:3

Napawe i ya'u ringannu matiti'a mammarikissa sarangkanambone udde wuassu panattaṛṛanne, i ya'u mangngantimma mappianne mamoṛṛettu sambau watti'a apan uaatokka si Tuangnga.

1 KORINTUS 2:13

Ana waugu udde amungkangngu i yami mannal᷊a'a manga inolaannu Ruata su manga taumata apan pia Ghaṛṛahon Duata, i yami maddiri mamasingkata tumuṛṛuttu apapanden taumata, ewe'e tumuṛṛuttu al᷊aṛṛa'u Ghaṛṛahon Duata.

2 YOHANES 1:1

Su Inangnga apan suete nipilen Duata, wuṛṛu su manga al᷊aṛṛana'u Inangnga. Suratta indi wuassi ya'u, piaṛṛa'u jamaatta apan atonna-tonna marangngu si yamiu. Wal᷊ine tumba'u i ya'u, arawe anambon taumata apan maaillal᷊a Ruata apan naṛṛino, marangngu si yamiu lai.

FILIPI 4:22

Anambon walahannu Ruata su soa indi, nengilembote i mangitou apan wuassu wal᷊en araratuanni Kaisar, nandohon tabea si yamiu.

WATTI'U MANGA RASUL 17:34

Arawe piaddu lai su wallatti mangitou mannamba'a si Paulus wuṛṛu mangngimanna Mawu Yesus, eteudde: i Dionisius wuassu mammamanaran Areopagus, wuṛṛu sangkatou wawine aranne i Damaris, wuṛṛu pirang katou lai.

WATTI'U MANGA RASUL 13:12

Napawe gubernure udde naasilo apa apan suete nariaddi, i tou nangngimante Mawu Yesus; ana waugu i tou mangke niaguku al᷊aṛṛa'u Mawu.

WATTI'U MANGA RASUL 13:7

I Sergius Paulus gubernure su taṛṛanusa udde hawene taṛṛa wal᷊iimmata udde. Gubernure udde sangkatou pande wuṛṛu masaṛṛaungnga. I tou namago si Barnabas wuṛṛu si Saulus ana waugu i tou ma'apulu madaringikka wisaran Ruata.

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

AYUB 37:24

Ana waugu i Tou ṛinone addatannu anambon taumata, wuṛṛu taumata apan mangnga'u pande tawe panduan-Ne.”

ROMA 11:29

Ana waugu amungkangngu Ruata mamile taumata wuṛṛu mangal᷊amatta taumata udde, Ruata tawe mangul᷊e apia apa apan buatte niolang-Nge.

2 MARARATU 5:4

Sutempo i Naaman naaringikka watti'a udde, i tou inaite ringannu ratu wuṛṛu nabatti'u apa apan niwal᷊on ana'a wawine udde.