1 KORINTUS 1:24 - WUKE SUSI WATTI'U AL᷊AL᷊USASSA

²⁴ Arawe su taumata apan buatte niwagoannu Ruata – mawae ete taumatan Yahudi ara'e wal᷊ine Yahudi – watti'a udde maola'a lal᷊annu Ruata mapaal᷊iatta'u taṛṛino wuṛṛu apande-Ne.

1 KORINTUS 1:24 Referans Kwoze

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

1 KORINTUS 1:9

Ruata mangke apangimananna atonna-tonna. Ete i Tou Ruata apan namaggo si yamiu maola'a sambau ringannu Anang-Nge, eteudde Yesus Kristus Mawun kite.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 1:4

arawe su ola'u saṛṛen pangangimanna i Tou udde Ana'u Ruata. Udde nilumiatta'a sulal᷊ummu taṛṛino apan wahewalla sulal᷊ummu pabbawangun-Ne wuassu papate.

ROMA 9:24

Ete i ite apan buatte niwaggoan-Ne, wal᷊ine tumba'u wuassu walahannu Yahudi, arawe lai wuassu manga walahanna waine.

LUKAS 7:35

Salaiwe aroddi, apapanden Ruata niatialanna su tangngan taumata nambo apan nanarimmatti Tou.”

LUKAS 11:49

Ana waugu udde Apapanden Ruata nabbisara, ‘I Ya'u sarun mandolokku manga nabi wuṛṛu manga ralol᷊oṛṛang-Ku ringanni mangitou; sangkawageanganna sarun pateanna wuṛṛu waine lai sarun sansaranna!’

AMSAL 8:1

Paddaringikka! Apapande mangke mammago, asingkatta nattingikke.

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.