1 KORINTUS 1:23 - WUKE SUSI WATTI'U AL᷊AL᷊USASSA

²³ Arawe i ite tumba'u mabbatti'i Kristus apan nate niarussa. Watti'a udde lai mammasendeka naungngu taumatan Yahudi, wuṛṛu sassunannu manga taumata wal᷊ine Yahudi udde awusu. Wuṛṛu taumata apan wal᷊ine Yahudi massunna udde sambau awawoddo.

1 KORINTUS 1:23 Referans Kwoze

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.

1 KORINTUS 2:2

Ana waugu i ya'u buatte naddiandi, manungku su al᷊o'engngu allo i ya'u ta'e ringanni yamiu, i ya'u tawe bisarane apa-apa, tumba'u su ola'i Yesus Kristus; ahewal᷊anne manungku i Tou buatte nate su alu arussa.

GALATIA 5:11

Matataṛṛino si ya'u, manga tuṛṛangnga, anio i ya'u mangke ipasseetta amungkangu i ya'u ta'e mammasingkata manungku sunatta udde ta'e wotongnge? Amungkangngu atonna i ya'u ta'e mammasingkata aroddi, ne bawal᷊o'u su ola'u arussan Kristus tawe maaola'a patatiakka.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

MATIUS 13:57

Ne i mangitou nanol᷊a'e Mawu Yesus. See Mawu Yesus nabbisara si mangitou, “Sangkatou nabi aaddatanna su al᷊awo'u tampa, tumba'u tawe su ampungnge wuṛṛu su wal᷊ene sassane.”

MATIUS 11:6

Lal᷊umanna'a su taumata tawe pinangiananne su ipanol᷊a'u!”

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

2 KORINTUS 4:5

Watti'a apan iwabbatti'i yami udde wal᷊inewe watti'a su ola'i ami sassane. Watti'a uddewe watti'a su ola'i Kristus; manungku eteudde i Tou Mawu; wuṛṛu ete i yami manga allang-Nge ana waugu i Tou.

1 KORINTUS 1:28

Ruata namile apa apan aellehanna mawawo, asiangnga, wuṛṛu lai sassunannu runia indi tawe gunane, tadea'u Ruata maṛṛimunsa'a apa apan aellehannu runia indi apianne.

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.