1 KORINTUS 1:22 - WUKE SUSI WATTI'U AL᷊AL᷊USASSA

²² Taumatan Yahudi madorongnga al᷊aṛṛindu'a maola'a sambau tatiala, wuṛṛu taumatan Yunani tumba'u mappandumma apapanden runia indi.

1 KORINTUS 1:22 Referans Kwoze

YOHANES 2:18

Manga tembonannu Yahudi sussimbakka Mawu Yesus, unni mangitou, “Annama'a pa'ola'a al᷊aṛṛindu'a maola'a sambau tatiala si yami manungku I'o pia taṛṛino ma'ola'a ereindi.”

LUKAS 11:16

Piaddu lai manga sire pira taumata waine maddea'a mapaasal᷊a Mawu Yesus, aroddi i mangitou madorongnga i Tou ma'ola'a sambau al᷊aṛṛindu'a maola'a sambau tatiala manungku i Tou atonna-tonna nirumanta wuassu Ruata.

MARKUS 8:11

Siri pira taumatan Farisi nirumanta ringannu Mawu Yesus, wuṛṛu nanattakke uasasimbakka ringanni Tou ana maddea'a mapaasal᷊an i Tou. I mangitou madorongnga Mawu Yesus ma'ola'a al᷊aṛṛindu'a, maola'a sambau tatiala manungku i Tou nirumanta wuassu Ruata.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

YOHANES 4:28

Ne wawine udde nanantangngu wensada isudde see tinumal᷊angnga watukku soa wuṛṛu nabbatti'a su manga taumata poiaroddi,

1 MARARATU 13:3

Wua'udde unnu nabi udde apia, “Mezbah indi sarun maṛṛa'a wuṛṛu awu apan uarandangnga sarun mabboso. Eteudde tatialane manungku i ya'u nirolokku Mawu.”

YOHANES 4:48

Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”